MICAH 4:9 - Kathara Bible (BSI)

⁹ Arui khisāda panglāk eina chapkhala? Nawui alungli awunga maleimala? Nawui machinme shimānhaida naokhara̱ preiva̱̱ thāda ringkhangāla?

MICAH 4:9 Iomraidhean Croise

ISAIAH 13:8

athum malung ringhaora. Khangashei eina kachotna athumli yuira; sha̱nao naokhara̱ thāda chotra. Athum akha eina akha chipāda yang ngarokra, athumwui mai hungpinghaora.

ISAIAH 21:3

Chithāda sāda iwui kashān kachotna pemhaira, khangasheina ili kuinamhaira, sha̱naona naokhara̱wui kachot thāda; ili hamzang ngasakhaida mashārarthuwa, I kaphaning suitāhaoda imik matheirarthuwa.

ISAIAH 26:17

Atam ungkashung tharan, sha̱naona naokhara̱wui ringkhangā thāda, Proho ithumla nawui mangāli chithasai.

JEREMIAH 22:23

O Lebanonli kapānabing, cedarthinglungli vānaothip thāda kapamabing, nawuitungli kachot kharā tharan nathum kathāda ngahuira̱khala, sha̱naona naokhara̱ kachot thāda!

JEREMIAH 30:10

“Chieina mangacheealu, O iwui rao Jacob, wukla makhananglu, O Israel, da Prohona hānga. Kaja yanglu, nathumli katāva̱wui eina kanmira, tuknar kahaipamwui eina nathumwui naongarāli ina huimira. Jacobna latungda chingri va̱ri eina ungpamra, kala khipānakha mangachee ngasakluimara.

JEREMIAH 4:21

Karankha philān chi ina yangpamra, raiwui talla̱khon karankha shāpamra?

JEREMIAH 4:31

Kaja naokhara̱va̱na khangahui thāda ina ringkhangā shai, naochizai kapharāva̱wui ringkhangā thāda, Zionwui naongalāva̱na khaksui khavai katinga, pāng tarāmlaga ngahuida lei; “I kalākashi! mi khayumbingwui mangāli ning shimānhaira!”

JEREMIAH 48:41

keinungbing khuihaora, khangazip raipanla khuithuihaora. Chithanghon Moabwui raikapingabingwui ning sha̱nao naokhara̱va̱wui ning thāhaora.

JEREMIAH 50:43

Babylon awungana pao chi shai, kala apāng khikha masāthukthuwa; ali kachotna yuihaowa, sha̱nao akhana naokhara̱wui kachot thāda.

JEREMIAH 8:19

Nganālu, apam huptawui eina iwui khangazana yurwui naongalava̱wui ringkhangā, Proho Zionli maleimala? Awui Awunga awuili maleimala? “Khisāthuda athumna sākakhui meoma̱, kala yur khangateiwui meoma̱ eina ili malung thuikhavai sākhala?”

CHAPCHĀT 4:20

Prohona thao neomi kahaia, ithumwui nātangkhurwui eina kashok khaksui athumwui chomli sangmihaowa, “Awui khaya̱li yurbingwui alungli ithum okthuira” da ithumna kahānga chi.

HOSEA 10:3

Aruiva athumna hāngra: “Ithumwui awunga maleimana, kaja ithumna Proholi mangacheemana, kala awunga akhana ithumwui vang khi sāmithukrakhala?”

HOSEA 13:13

Nao kapharāwui kachot chi awui vang ngasāra, kha a mathangkhama naomayara akhana; kaja arui akhalatta naopam khamorli maleimana.

HOSEA 3:4

Kaja Israelnaobingna awunga, lah wungnao mavaila, pha̱kaphayāla, tarung, ephod kala teraphimla maleila atam kasāngkha sompamra.

MICAH 5:3

Chiwui vang eina ana athumli naokhara̱va̱ china mapharāranglakhawui atam eina tangda chihosāra; chiwui thili awui chinaongarā khangateibing Israelwui yurli latungra.

JOHN 16:21

Sha̱naona naokhara̱ tharan wukhananga kaja awui kachot atam rāhaowa, kha nao pharā kahai tharan kachot saikora malaiserhaowa, kachiwui vangkhala kaja okathuili nao akha pharāhaida ringphāhaowa.

PHONGKHAMI 12:2

A nao vaisāda pharaukida nao ra̱khaung eina ringai.