MICAH 4:2 - Kathara Bible (BSI)

² Kala yur kachungkha rāda hāngra; “Rālu, ithum Prohowui phungreili kausa, Jacobwui Varewui shimli; chieina ana ithumli awui shongfa hāngchitheira; kala ithumna awui apongli zatkhavai.” Kaja Zionwui eina ain shokra, kala Prohowui tui Jerusalemwui eina shokra.

MICAH 4:2 Iomraidhean Croise

LAA 110:2

Zionwui eina Prohona nawui pangshapwui khānthing chihorai. Nawui yangkashebingwui alungli munglu!

LAA 119:1

Prohowui ainli kazatabing, shātmakakā athum chi sokhamina,

LAA 119:171

Nawui shiyan ili tamchithei khavaiwui vang, imorchaina masochikatra.

LAA 122:1

“Prohowui shimli vausa” da athumna ili kahāng tharan ina ringphai!

LAA 25:12

Proholi khangachee mi chi khipākhala? Chipāli ana kapangkhuiki kaji apong chi ali tamchitheimira.

ISAIAH 2:3

kala yur kachungkhana rāda hāngra: “Ralu, ithum Prohowui phungreili, Jacobwui Varewui shimli kāsa; chieina ana ithumli awui apong tamchitheida ithumna awui shongfali zatra.” Kaja Zionwui eina ain chi shokra, kala Prohowui tui Jerusalemwui eina shokra.

ISAIAH 54:13

“Nanaomayarabingli Prohona tamchitheira, naomayarabingwui mataikasang hakmahāra.

ISAIAH 56:7

athumli iwui kathara phungreili khuivāda iwui seihā sākhavai shimli mathān ngasakra; iwui hanphuttungli athumwui rikkatā kachigat kala pha̱kaphayā chi khuisangmira; kaja iwui shim hi yur saikorawui vang seihā sākhavai shim hora.”

JEREMIAH 31:6

Kaja raikānbingna Ephraimwui kaphung ngaleili, ‘Thuilo, ithum Zionli Proho ithumwui Vareli vāusa.’ kaji atam rārāsāra”

JEREMIAH 42:3

kaja, ithumna vāki kaji apong kala sāki kaji ot chi nawui Varena kachitheimiranu.”

HOSEA 6:3

Ithum theisa kaja, Proholi theikhavai sakchangda hotnāsa; ana sāki kaji chi kazing kathang thāda makahatlakmana; ana ithumli zngrot thāda rāra, ngaleili ikkhami zingrot thāda.”

ZECHARIAH 14:16

Chiwui thili Jerusalemli ngarar khavai kharā yur saikora chiwui eina ringkasā mi kachiva̱na kum kachida saikorawui Proho, Awungali khorum khavai kāra, kala chumpha̱ phanit chi mayonra.

ZECHARIAH 2:11

Kala chithang yur kachungkhana Proholi rāngarumra kala iwui miyur ngasāra; kala ina nathumli ngasopamra, kala saikorawui Prohona nathumli ili chihokharāna kaji nathumna theira.

ZECHARIAH 9:10

Ephraimwui eina siguigari, kala Jerusalemwui eina raisigui ina katathaora. Kala ngararphungwui malā chi katathaida, ana yurbingli chingrihai khavai kasora; Shamadruwui eina thuilaga shamadru vāshungda, Kong chiwui eina thuilaga okathui akatanga eina tangda ana mungra.

MARK 16:20

Chieina athumna apam kachiva̱li vāda pao hāshoka kala Prohona athumli ngasoda ot sai kala athumwui paokapha chi mashunga kaji chi matakhak kahai ot kasā machut china phongshoka.

LUKE 24:47

Kala awui ming singda nathumna Jerusalem eina thuida miyur saikorali ningngateida morei pheokhavai pao hāshokra.

JOHN 6:45

Marānbingna hithada kapihaida lei: ‘Athum saikorali Varena tamchitheira.’ Avāva̱li nganāsangda awui eina tamkakhuia mi kachiva̱ iwuili rai.

JOHN 7:17

Kachikathāna Varewui ningkachāng chi sāngaida leiakha, ina tamkachithei hi Varewui eina kharākā, I khalattawui sāshap eina khamatuikhala kaji theira.

OTSAK 1:8

Kha Manglā Kathara chi nathumwuitungli tāshungkhami tharan, nathumna pangshap samphanglākra. Cheina nathumna Jerusalemlila, Judea ngalei katongalila, Samarialila kala okathuiwui akatanga vāshungda iwui vang shākhi sāra.”

OTSAK 13:42

Paul eina Barnabasna synagoguewui eina zathaoki kaji eina khanaowa sabbaththangla chiwui pongli chungmeida rātamchitheilui khavai mibingna poi.

ROMNAO 15:19

matakhak kahai khudam einala kala Varewui Manglāwui pangshap einala kasāsera. Chieina Jerusalemwui eina thuilaga Illyricum shangshungda ina Khristawui paokaphā peida hāshokhaira.

KHALATLUI 6:1

“Proho nathumwui Varena nathumli tamchithei khavai ili kaso kahai ningkhami, ain kala shiyan-chikan chi hina, kaja chi nathumna samphangki kaji ram chili mayon khavaina;