MICAH 3:4 - Kathara Bible (BSI)

⁴ Chiwui thili athumna Proholi chapta vaora, kha ana athumli mangahānkāmara; chitharan ana athumwui eina mai ngareithuihaora, kaja athumna athumwui otsak zakshi ngasakhaowa.

MICAH 3:4 Iomraidhean Croise

JOBWUI LAIRIK 27:9

Kasak kharā tharan, awui khangakao Varena shāmirala?

JOBWUI LAIRIK 35:13

Kachangkhat eina pophāphā kajili Varena manganāsangmana, Sāshap-pangshapa china mahengsangmana.

LAA 18:41

Athumna kanmi khavai ngakaowa, kha huimi khavai khipākha maleisāmana, Proholi athumna ngakaowa, kha ana mangahānkāmimana.

CHĀNSAM 1:28

Chieina athumna ili ngakaora, kha ina mangahānkāmara; athumna ili phāshang phātālala masamphangmara.

CHĀNSAM 28:9

Mi akhana ain manganāsangla ngareithuihaikha, awui seihā kasā eina tangdala ningkakachai otna.

ISAIAH 1:15

“Nathumna pāng phayaikashok tharan, imik nathumwui eina thumhaora; nathumna seihā kachungkha sālala, ina manganāsangmara; nathumwui pāng asheemānga.

ISAIAH 3:11

Makhayāli kakhanang ngasāranu! Awui vang kakhanang ngasāra, kaja apāng eina sākahai thāda alila sāmira.

JEREMIAH 11:11

Chiwui vang, Prohona hithāda hānga, Yanglu, athumna mayāmshokrarki kaji shāt ina athumwuitungli khuirāra; athumna ili ngakaolala ina manganāsangmimara.

JEREMIAH 14:12

Athumna kakhum eina pamlala ina athumwui khavao mashāmimara, rikkatā kachigat, theishirai chigatlala ina makhuisangmimara; kha ina raighai eina, chāmrei eina, kazāt eina chithitra.”

JEREMIAH 33:5

Chaldeanaobingna ngarar khavai rārāda lei, iwui malungkhavāt kala malungkathui eina sāthat kahai athumwui kathingun china keinung chipem khavai; kaja athumwui makaphā makhayāwui vang keinung hiwui eina ina iwui mai thumhaira.

JEREMIAH 5:31

marānbingna yonda marānmi, kala pāngmonbingna athum ningsasak eina munga; laga iwui mibingna chi ningchangmeihao! Kha khanaowa kharā tharan nathum khisara̱?”

EZEKIEL 8:18

Chiwui vang ina malungkhavāt eina sāra, imikna mayangkheimara, ina lukhamashanla malumashanmiluimara; athumna ikhanāli panglāk eina rāchapsanglala manganāsangluimara.”

MICAH 3:7

marānbing maishihaora, khanongbing khayakhaora; athum saikora khamor kafahaora, kaja Varewui ngahānkākhami maleithuwa.

MICAH 7:13

Kha okathui hi mibingwui vang eina, kala athumwui otsakwui vang eina ramcho sāhaora.

ZECHARIAH 7:13

Ina vaolaga athumna makashā thāda, athumna vaolala ina mashāmimana, da saikorawui Prohona hānga.

MATTHEW 7:22

Chithanghon mi kachungkhana ili ‘Proho, Proho, ithumna nawui sāshap-pangshap chieina mamarānmala? Kala nawui pangshap eina kameo makashamshokmala? Nawui sāshap-pangshap chiwui alungli ithumna matakhak kahai tarākha masāmala?’ da hāngra.

LUKE 13:25

Shimva̱na ngakarthuilaga akhashida khamong ta̱kkahai tharan nathumna kayāngli nganingda khamong kakunglaga, ‘Amei, ithumli shomilu’ da hāngra. Chieina ana nathumli ‘Nathum kachiwui eina kharākhala, I matheimana’ da ngahānkāra.

JOHN 9:31

Varena morei kaphungbingli mashāmimana, kaji ithumna thei, kha ali khokharuma kala awui ningkachāng kasā athumli Varena shāmi.

JAMES 2:13

Kaja bichar kasā tharan lumashanmi kahai makhaleia ā chili Varena malumashanmimara, kha bicharliva lukhamashana yui.

1 SAMUEL 8:18

Kala chithang nathum khalattana kapangkakhui awungawui vang eina nathumna chapngachāra; kha chithang nathumli Prohona mangahānkāmimara”.