MICAH 2:9 - Kathara Bible (BSI)

⁹ Iyur sha̱naobingli athumwui ringkaphā shim eina kashamshokhai, athumwui naoshinaobingwui eina iwui tekhamatei nathumna khuithuichao haira.

MICAH 2:9 Iomraidhean Croise

LAA 72:19

Awui tekmateilak kahai mingli sochingranu, awui tekhamatei okathui hupta pemranu, Amen, Amen!

JEREMIAH 10:20

Iwui kachonshimla sākachuphaira, iwui khara̱ saikorala sāshathaira; Inaongarā iwui eina thuiserhaida, matheithura; iwui kachonshim hārshoklui khavai, iwui shim sakāmi khavai khipākha maleithura.

EZEKIEL 39:21

“Kala ina yurbingli iwui tekhamatei chitheira, kala yur saikorana ina sākahai iwui bichar, kala ina ipāng eina athumli parkahai chi theira.

JOEL 3:6

Judah eina Jerusalemwui mibingli, athumwui apam eina katāva̱li khalei khuithuihaida Greeknaobingli yorsanghaira.

AMOS 2:7

Kachāmbingwui kui chifali naikakatotbing, kala sipkasābingli mayangkaza̱bing; vānaoni sha̱nao akhali ngasoda iwui ming makhao ngasaka;

MICAH 2:2

Athumna lui ngamara, kala ngapaikhui; shimla ngamarda khuithui haowa; athumna milila shimlila singkharenga, khalaleilila singkharenga.

HABAKKUK 2:14

Kaja okathuili Prohowui tekhamatei theikakhui china pemhaora, shamadru tara̱na kapem thāda.

ZECHARIAH 2:5

Khikhalajila ina kuimareida meiwui phākho ngasāmira, kala ina awui alungli tekhamatei ngasāra’ da Prohona hānga.”

MATTHEW 23:13

“Ain kathemabing eina Phariseebing, phākakhaningabing! Nathumli kakhanang ringkashi ngasāranu, khikhalajila nathumna kazing wungramli zangki kajibingli shungnamda lei, kala nathum khalattala mazang lah zangki kajebingla mazang ngasakmana.

MARK 12:40

ra̱meinaobingwui lan sashimānkhamebing kala seihā kasāngsāng kasābing, sakakhaninga ain kathembing chili ning ngasharlu. Athum sakkhamei khonshāt samphangra.”

LUKE 20:47

rāmeinaobingwui lan khangaponbing kala sāchithei khavai seihā kasangsang sākharekabingli ningngasharlu. Athum hakkhamei khonshāt samphangra.”

2 CORINTHNAO 3:18

Kala mai mafakhamla awui tekhamatei yangda khalei ithum saikorava tekmateikhangai tekmateida awui sakrin thada ngacheihaora; kaja hi Mangla eina khaleia Prohowui eina kharāna.

2 CORINTHNAO 4:6

“Tangkhamangwui eina kahor shokranu” da kahānga Vare china Khristawui maili Varewui tekhamateiwui kahor chi theikhui khavai ithumwui wuklungli hormihaira.

1 SAMUEL 26:19

Chiwui vang eina amei awunga, narao iwui tui khanganāmilu. Kalikhada ili makhamayā khalei hi Prohona naningli ngatha̱ khangasakna jiakha pha̱kaphayā hi ana khuimiranu. Minakha, ali Prohona khonkashi ngasaranu; kaja Prohowui eina samphang khangayi yar chi masamphang ngasakla aja athumna ili kashamhaida hānga, ‘Thuiulu, khangatei varebingli akhorumlu.’