MICAH 2:3 - Kathara Bible (BSI)

³ Chiwui vang Prohona hithāda hānga: Yanglu, shimkhur hiwuitungli Ina makaphā shokkhavai khangarān sādaleiya, chiwui eina nathumwui akahung mangatha̱thukmara, kala nathum langsosor mazatmara, kaja chi makaphā atam ngasāra.

MICAH 2:3 Iomraidhean Croise

ISAIAH 29:20

Kaja lukhamashan makatha chi khikha masā khavai ngasāhaora, kala mana̱shikazar mi chi ngalathaora, kala makaphā sākida khangaraia saikorali katathaora.

ISAIAH 3:16

Prohona hānga: Khikhalajila Zionwui naongalava ngarāna hiksorsor, kui khalekta yaothuizata, kakhayak maleila mik thekzata, pheikār kashut kaseoda zata;

ISAIAH 5:19

athumna hānga, “Ali thākngasaklu, ithumna theikhavai awui ot kasā chi thākngasaklu; Israelwui Katharapa chiwui kharin chi rānganairanu, kala chi rāranu ithumna theikhavai”

JEREMIAH 18:11

Chiwui vang eina, ara, Judahwui mili kala Jerusalemwui mibingli hānglu: Yanglu, Prohona hithāda hānga, Ina nathumli makapha sākhavai machukta lei kala ngarānda lei. Kachichāwui makaphā chiwui eina latunglu, kala nawui apong kala otsak mashungkhuilu jilu.

JEREMIAH 27:12

Judahwui awunga Zedekiahli ina hithāda hānga: “Babylon awungawui kharitphun azingli nakahung hailu, ali kala awui mibingli otram ngatha̱laga okthuilu.

JEREMIAH 34:17

Chiwui vang eina Prohona hithāda hānga: Nathumna nachinā eina khongnaili ningkhān khami vaomalānhailaga chiwui athishurda iwui kahāng manganāmana; yanglu, nathumlila ina raighaili, chāmreili, kala kazātkashili ningkhān eina chihokasangna da vaokhamalāna da Prohona hānga, okathuiwui wungram saikorana nathumli theilaga ngachee-ngachā ngasakra.

JEREMIAH 36:23

Jehudina tuikhum kathum mati pākatā eina awungana akhalui chi ghainao eina kakshokmamān meiphuli horsangmamānda meina lairik akhalui chi chuitup tāhaowa.

JEREMIAH 43:2

Hoshaiahwui naomayara Azariah, Kareahwui naomayara Johanan, kala achei-arei makatheibing china Jeremiahli, “Nana kakapik tui khamatuina, ithumwui Proho Varena ‘Egyptli mavāpamalu’ da hāngkhavai machihorālakmana;

JEREMIAH 8:3

Ina kashamvā kahai apam kachida khalei makaphā shimkhurwui shāk kahai saikorana kharingliva kathi ningchangmeihaora da saikorawui Prohona hānga.

CHAPCHĀT 1:14

“Iwui khayonkhamāng hupta kaziplaga iwui kashaili khalapshānmi, apāng eina saikora chi khalapshānmi; chibing chi ikahungli parmihai; ana iwui yāng shimān ngasaka; ina mangasungkharar athumwui pāngli Prohona ili horsangmihaowa.”

CHAPCHĀT 2:17

Prohona kharin chi sākachanghaira, ana ngarān kahai chi sāhaira, mangapatma achā hāngkahai thāda, ana lukhamashan maleila sakhayāngmihaira; ana yangkashibingli nawuitungli mathān ngasaka, kala nawui yangkashewui pangshapli masot mingasaka.

CHAPCHĀT 5:5

Ithumwui kahungli kashai parda panglāk eina kashama; ithum chothaira, ithumli khangasāmla mangasāmkhui ngasakmana.

DANIEL 4:37

“Ara, kazingramwui awunga chili Nebuchadnezzar ina khayāshida masot miya; ava khamashung otmāng sai, khangarong pongli zata, kala lāngkaso athumli maishi ngasakshapa.”

AMOS 2:14

Kathākabingla mayāmthukmara, kapanga mina yāng tekhaora; pangshapa chinala khalatta mahuirarmara;

AMOS 3:1

Egyptwui eina ina thānkashoka O Israelwui mibing, kala shimkhur katonga, Prohona nathumli mamayāla kahāng tui chi nganālu:

AMOS 3:2

“Okathuiwui shimkhur saikorawui eina ina nashi shimkhurmāngli thei; chieina nathumwui khayonkhamāngwui vang ina nathumli tandi mira.

AMOS 5:13

Chiwui vang thangkhama china atam hitharan kasaikha pamra; kaja hi makaphā atamna.

MICAH 2:1

Makaphā-makhayā phākashoka kala mapivāla makaphā makhayā khangarān kasaa kala pettungli makaphā kaphaning athum kalākashi ngasāranu! Ngathor kharā eina athumna ot chi sai, kaja chi sākashap pangshap athumwuili lei.

ROMNAO 16:4

Anina iwui vang manglā hamda ngachonmi. Anili ningshilaka, imāngna majila kha Gentilebingwui churchbingnala ningshisera.

EPHESIANAO 5:16

Chāda samkaphang atam chi mathada singkhuilu, kaja hi makaphā atamna.

KHALATLUI 28:48

Chiwui vang Prohona nathumli chihokharā nathumwui yangkashibingli nathumna kathai kala ra̱kachang, phasā khamahong eina, ot saikorali kathai-kachām māng eina otram ngatha̱ra; kala nathumli masāshimānranglakha eina tangda ana nathumli kahungli mariwui kashai chiphunra.

JAMES 2:13

Kaja bichar kasā tharan lumashanmi kahai makhaleia ā chili Varena malumashanmimara, kha bicharliva lukhamashana yui.