MICAH 1:8 - Kathara Bible (BSI)

⁸ Hiwui vang ina khananglāk eina chapngachāra; Ina raihokhailaga mahonghat eina zatra; ramfawui kakhong thāda chapngachāra; kala ostrichbing kakhong thāda chapra.

MICAH 1:8 Iomraidhean Croise

2 WUNGNAOBING 18:13

Awunga Hezekiahwui tharāda khamate kum, Assyriawui awunga Sennacheribna rāda Judahwui raipam ngaveikham kahai keinung saikora khuithuihaowa.

ESTHER 4:1

Mordecaina shokkahai saikora chi theilaga, awui kachon serkhākta bora ngavailaga hotla neoda malung ringda panglāk eina chaplaga keinungli vai;

JOBWUI LAIRIK 30:29

I ramfawui achinā ngasāthuihaira, kala ostrichbingwui khavāknao sāhaira;

LAA 102:6

Iva lamhāngli khalei khalāng sāshaia thāhaira, khararzingwui pawung thāhaira.

ISAIAH 13:21

Kha ramsābingna chili pira, chiwui shimbing chi kakhonga sāyurna pemra; ostrich vānaobingna chili pamra, kala chili satyrna pheichak sāra.

ISAIAH 13:22

Chiwui dolanli hyenana khongra, khamathā keinungbingli ramfana khongra; chiwui atam nganaihaira; zimiksho chi masāngluimara.

ISAIAH 16:9

Chili Jazerwui chapkhangachā eina ngasoda ina chapa, Sibmahwui drakhārongwui vang; iwui chara̱na nanili tāsopmihaira, O Heshbon eina Ele-aleh; kaja naniwui theishirai eina mahā atamli raikhon rāshunghaira.

ISAIAH 21:3

Chithāda sāda iwui kashān kachotna pemhaira, khangasheina ili kuinamhaira, sha̱naona naokhara̱wui kachot thāda; ili hamzang ngasakhaida mashārarthuwa, I kaphaning suitāhaoda imik matheirarthuwa.

ISAIAH 22:4

Chiwui vang eina ina hānga: “Ili mayangrālu, ina kakhanangwui vang chapngachāga; iwui mibingwui naongalāva̱bingli sāshimān kahaiwui vang ili masuiphanepalu.”

ISAIAH 32:11

Kathirlu, paikhareka sha̱naobing nathum, nganuklu, yansangsa̱ kahaibing, kashankachon raihaida, mahonghathailu, kala bora eina shānneilu.

JEREMIAH 4:19

Iwui kachot, iwui kachot! I kachotlungli ngaleokazama! Iyavo, imalungwui phākho! I malung panglāk eina katuka; I kasaikha mapampaithura; kaja ina talla̱khon shai, raiwui akhon chi.

JEREMIAH 9:1

O, ikui tara̱si kaje, imikna chāra̱wui ura̱si kaje sāthat kahai iwui mibingwui naongalava̱wui vang chapshon chapthaira!

JEREMIAH 9:10

“Phungreibingwui vang vaoda chapngachālu; lamhāngwui seizātpamwui vang chapngachālu, khikhalajila chibing chi ramcho sāhaoda khipākhana mamakānvāmana, seikhonla mashāluimana, kazingli yongkazata vanaola, ramsāla yāmserhaira.”

JEREMIAH 9:19

Kaja Zionwui eina kachapkhon shai: “Ithum kathāda ngayānghao! Ithum maishichaohaira, khikhalajila ithumna ram chi horhaira, khikhalajila ithumwui shim athumna sātekmiserhaowa.”

EZEKIEL 32:18

“Miwui naomayara, Egypt katongawui vang sifalu; awui kala khangama yurwui naongalāva̱bing, kazeiramli khaleibing chiwui Chomli horsangserhaolu:

MICAH 2:4

Chithanghon athumna nathumli mana̱kashi laa sāra, kala wukkhananglak eina chapngachāra, kala hithāda hāngra, “Ithum shimānchao haira; ana iyurwui yar chi ngacheimi haira; kathāda ana iwui eina khuithuimihao khala! Ithumwui lui ithumli raikathābingli ngayarmihaira.”

1 SAMUEL 19:24

Kala ala awui kashankachon raiserhaida, khamahong eina Samuelwui mangāli chithang ngashun ngayā peida marānkhamili zanga. Chiwui vang eina, “Saulla marān akhala?” da chānjam sai.