MICAH 1:7 - Kathara Bible (BSI)

⁷ Awui meoma̱ saikora akha̱-akhā sāmihaora, khayorva̱̱bingwui eina samkaphang saikora mei eina thottāmihaora, kala awui meoma̱ saikora ina khikha masāvai ngasakmara; kaja khayorva̱̱ sāda khamasāwui eina meoma̱bing chi kazipkhui, kala chibing chi khayorva̱̱ khamasāli hanvāpapamra.

MICAH 1:7 Iomraidhean Croise

2 THOTRINCHĀN 31:1

Saikora hi kupkahaiwui thili, chili khalei Israel saikorana Judahwui keinungbingli vālaga pakra̱bing kala Asherim shaokhaitāda Judah eina Benjamin, kala Ephraim eina Manassehli khalei kajujuipam eina hanphut saikora makupranglakha eina tangda shaokhaivai. Chiwui thili Israelwui mi saikorana kachichāramwui ichichā shimli latungserhaowa.

ISAIAH 2:18

Meoma̱ saikora shimānserhaora.

ISAIAH 23:17

Zingkum hangshini apeilam, Prohona Tyreli yaorāra, kala ana kharewui leihsakli latungra kala apuk-apagali khalei okathuiwui wungram saikorali khayorva̱̱ sāda leih lonra.

ISAIAH 27:9

Chiwui vang eina china Jacobwui khayonkhamāng shimitmihaora; kala china awui morei khuithuikhamiwui kākashung athei ngasāra. Hanphutwui ngalung saikora akha̱ sāngasak kahai tharan, Asherimwui lah nganamkaphā riktākhavai hanphutla maleisāluimara.

EZEKIEL 6:6

Nathumwui kapampam kachida keinung ramchohaora, kajujuipam shimānhaora, hanphutpamla chithaserra, meoma̱la sākazamhaida maphākhuithura, nathumwui nganamkaphā riktā khavai sātekmihaida nathumwui otsak saikora shimitmihaora.

HOSEA 2:12

Drakhārong kala khaorārong hi leikashebingna, iwui ngalangman khamina da ana kahāng chi ina shimān ngasakra. Saikora chi ina kharar onngasakta sāyurbingna shaira.

HOSEA 2:14

Chiwui vang eina yanglu, ina ali suira, kala lamhāngli ali thānvāra kala nimshimri eina ngazekra.

HOSEA 2:5

Athumwui ava̱va̱ khayorva̱̱wui otsak sai; athumli vaikakhuiva̱ chi khayākhamalā otmāng sai. Kaja ana hānga, “Ili kashakazā kala tara̱ khame, sāhah kala khamanak kashankachon khame, iwui thao, kala mangkhavai khamebing, iwui leikashebingli shurthura.”

HOSEA 8:5

Ina nawui seinao khalanhaira, O Samaria. Athumli iwui malungkhavāt chuida lei. Athum tharki kaji karankha leirakhala

HOSEA 8:6

Israelli? Them kathema akhana sākakhuina, chi Varivara maningmana, Samariawui seinao chi akha̱ sāmihaora.

JOEL 3:3

kala Iwui miyurli kalā yanglaga khayorva̱ akhawui vang mayarnao akha ngatha̱ya, kala ngalānao akha zamwui vang yorlaga mangvaihaowa.

PĀNGMONSHI 26:30

Kala nathumwui khorum khavai kajuipam katathaida nganamkaphā hanphutla sākazamhaora, kala nathumwui kathingun meoma̱tungli ngashomda herhaira, kala imanglāna nathumli ningkachaira.

KHALATLUI 23:18

Nathum khayorva̱ akhawui aman, lah fa akhawui aman, Proho nathumwui Varewui kathara shimli khikha khangashit kasāwui pheisā mikhavai makhuirāpaimana, kaja khanini hi Proho nathumwui Varewui mangāli ningkakachai otna.

KHALATLUI 9:21

Chiwui thili ina morei ot chi khuida, nathumna sākakhui sināwui seinao chi khuilaga thottāda shaokachupta chifa thāda sāngasaka; kala akha̱-akhā chi phungreiwui eina longkatā kongrānao chili ina horsanghaowa.

PHONGKHAMI 18:3

kaja yur saikorana awui makathar khamathangwui zamshei manghaira, okathuiwui awungabing ali ngashāmserhaira kala okathuiwui leihkhalonbing awui saphāphā kaji lan eina shāngkhuiserhaira,”

PHONGKHAMI 18:9

Ali shāmkasa, awui khangkāserli kazang okathuiwui awungabingna, ali chuikatāwui meikhut chi theilaga malung ringda chapngachāra.

1 SAMUEL 5:4

Kha akhama kathā ngathorthakva̱ ayanglui kaji eina, yanglu, Prohowui oko mangāli ngakhumshāmhaida Dagon angunmāng leisai; kaja akuila, apangla katatshokhailaga khāmongpheili leisai.