MICAH 1:6 - Kathara Bible (BSI)

⁶ Chiwui vang eina ina Samariali shimān ngasakhailaga, khamasaili thingkhor lungkhor khor kahai thāngasakra, drakhāthei lingsang khavai ngasā ngasakra; kala awui lungguibing ina tampākli shireotāhaora, kala awui shimphungabing masai ngasakhaora.

MICAH 1:6 Iomraidhean Croise

2 SAMUEL 17:13

Kalikha ana keinung akhali azanghaisālala Israel saikorana chili seipeng eina khalaplaga lamhāngli shimenvāda, akha̱-akhā mangasāranglakha eina tangda mathāhaimara.”

2 WUNGNAOBING 18:10

kakathuma kumwui akuplamshong khuichanghaowa. Hezekiahwui katharuka kum kaja Israel awunga Hosheawui kachiko kum chi Samaria khuithui kahaina.

2 WUNGNAOBING 18:9

Awunga Hezekiahwui khamate kum kaja Elahwui nao, Israelwui awunga Hosheawui kashine kum chi Assyriawui awunga Shalmaneserna rāda Samariali kuinamhaida

2 WUNGNAOBING 19:25

“Na mashāsamala ina rilak eina chukmaja kahai chi? Ina achālakhawui eina machuk kahai arui rāshok khangasakna, kaja ngaziplak eina ngavei kahai keinungbing ngayāng ngasakra da,

ISAIAH 17:1

Damascuswui pongli khamarān: Yanglu, Damascus hi keinung mangasāluimara, kashimān khorkahai ngasāhaora.

ISAIAH 25:12

Kala awui kajuiya phaklāng ana sakhaimihaida ngaleili akha̱ sāngasakra.

ISAIAH 25:2

Kaja nana keinung chifa sāngasakhaira, raipan ngaruimit kahai konung macho ngasaka; yangkashewui keinung, keinung masāluimara, masākārarluimara.

JEREMIAH 31:5

Latluida Samariawui kaphungtungli drakhāthei yāmgui vāsangluishitra; khalingbingna arong lingsangda chiwui athei kashai samphangra.

JEREMIAH 51:25

“Yanglu, okathui saikora shimān khangasaka, O phungrei! Ipāng eina nali lungkaiwui eina shireotā ngasakta, mei kachuiya phungrei ngasā ngasakra da Prohona hānga.

JEREMIAH 51:37

Babylon sākathānmihaida ja̱tāda khorkazam kahaipam sāra, ramfapam, khipākha maokthuimada khangachee kala kakasipam ngasāra.

JEREMIAH 9:11

“Ina Jerusalem hi ngayānghaida khorkazam kahaipam sāngasakra, ramfapam sāngasakra. Ina Judahwui keinung ngachakyāng ngasakhaida mi malei ngasakmara.”

CHAPCHĀT 4:1

Sināna kathāda yumsihao, sinā kachanga kathāda ngacheihao! Kathara ngalungbing chānrei haophok khavai kachida horkathānserhaira.

EZEKIEL 13:14

Nathumna leishi-leishai teikatot kahai phākho chi ina sākhaira, kala chi ngaleili ngachamda sakhaimihaida shimphungala amei-amā matheimara; chi kongkhalui tharan, nathumla chiwui alungli thisangra, kala nathumna I Prohona da theira.

HOSEA 13:16

Samariana awui khayon chi phungra, kaja ana awui Vareli ngakaishihaira, athum raighaili pitāra, athumwui kateowabing ngaphitkazamhaora, kala naokhavaiya sha̱naobing rāmphutmihaora.

AMOS 5:11

Chithāda sāda nathumna kachāmbingli naikazamda, athumwui eina kashakazā ngapaikhuida, nathumna shānkakhui ngalungshim sakākhuihaira, kha nathum chili kapam masamphangmara; nathumna drakhā yāmgui khamathāthā sāhaira, kha nathumna chiwui atheira̱ khamang masamphangmara.

AMOS 6:8

Proho VAREna akhalatta khangashit sāhaira (da Proho, saikorawui Varena hānga): “Jacobwui langkaso ina ningkachaiya, kala awui raipan yangkharinga; kala keinung eina chili khalei saikora ina chihohaora.”

MICAH 3:12

Chiwui vang eina, nathumwui vang eina Zionli lui kasao thāda saora; Jerusalem katek-kakai khorkahai thāra, kala khorumshimwui kaphung chila ngahong kashā ngasāhaora.

HABAKKUK 3:13

Nawui miyurli huikhui khavai rai, nana neomi kahaiali huikhui khavai. Nana makaphā makhayāwui kui naikhaiya, khaishāng eina thuilaga akahung eina tangda khamasai eina haimi.

MATTHEW 24:2

Kha Jishuna athumli ngahānkai, “Nathumna saikora hi katheina, maningmala? Ina kachangkhat nathumli kahāngna, mahorkathānhaila ngalung akhawuitungli ngalung akha leiki kaji akhala maleimara.”