MICAH 1:5 - Kathara Bible (BSI)

⁵ Saikora hi Jacobwui khayonwui vang Israel shimkhurwui moreiwui vangna. Jacobwui khayonkhamāng chi khi? Chi Samaria maningmala? Kala Judah shimkhurwui morei khi? Chi Jerusalem maningmala?

MICAH 1:5 Iomraidhean Croise

1 WUNGNAOBING 11:7

Kala Solomonna Jerusalemwui zingshoshong khalei kaphungtungli Moabwui ningkakachaiya Chemoshli khorum khavai shim sakai.

1 WUNGNAOBING 13:32

Kaja Bethelwui hanphutli kala Samaria keinungli khalei kajujuipamwui shimli Prohowui tui ana vaoshok kahai saikora makahatlakla ungshungra” da hānga.

1 WUNGNAOBING 16:24

Samaria kaphung hi ana Shemerwui eina lupāsā thingtharuk mida lokhui; kala kaphung chi raipan sākhuilaga kaphung akhavā Shemerwui ming khuida Samaria hoi.

2 THOTRINCHĀN 34:3

Kum chishat mungda, nganuilak eina leilakha avāva̱ Davidwui Vareli phāphoka; kala tharāda kakhane kum Judah eina Jerusalemwui kajujuipam, Asherim, kala rukkakhui kala heikakhui meoma̱ saikora chiwui eina tharkhavai sai.

2 THOTRINCHĀN 34:4

Awui mangāli athumna Baalwui hanphut shaokhai; kala chiwuitungli khalei nganamkaphā riktā khavai hanphutbing chi ana shaokhaitai; kala Asherim eina rukkakhui kala heikakhui meoma̱la akha̱ sāmihaida, chili pha̱kaphayābingwui chikhurtungli chairora.

ISAIAH 7:9

Ephraimwui akui Samariana, kala Samariawui akui Remaliahwui naomayarana. “Nana mashitsangakha, kachangkhat na manganingrarmara.”

JEREMIAH 2:17

Ana nali apong chili thānkazat tharan, nawui Vare Proholi malaihaida nathum khalattawuitungli hi khuikharā maningmala?

JEREMIAH 2:19

Nathumwui makhayāna nali machinra; kala nawui shitkasang kahat china nali machinra. Nawui Vare Proholi horkahai hi nawui vang makaphā kala kakhā otna kaji yangda theikhuilu; ili khangachee nathumwui alungli maleimana,” da saikorawui Proho VAREna hānga.

JEREMIAH 23:13

Samariawui marānbingli ina mamayākhangai otsak thei; athumna Baalwui ming eina marāna, kala iwui yur Israelli thānnguiya.

JEREMIAH 23:14

Kha Jerusalemwui marānbingli ina zakkashi otsak thei; athumna shām sai kala kakapiklungli zata; makaphā kasā mibingli kasatsangda khipākha makhayāwui eina malatungmana, iwui mangāli athum saikora Sodom thāserhaira, kala chiwui mibing Gomorrah thai.

JEREMIAH 4:18

Nathumwui apongna kala kasākhavāna nathumwuitungli hikathā rākhangasakna. Hi nathumwui ngachang khavaina, kala hi khāshuna; hina nathumwui wuklung vāshunglakhaira.”

JEREMIAH 5:25

Nathumwui khayonkhamāng china ngareithui khangasakna, kaphā kaho chi nathumwui moreina mathei khangasakna.

JEREMIAH 6:19

Nganālu, O okathui; yanglu, mibing hiwuitungli ina makaphā khuirāra, athumna makaphā khangarān athei, khikhalajila athumna iwui tui makhuimana; kala iwui ain athumna khalanhaira.

CHAPCHĀT 5:16

Kuihon ithumwui kuiwui eina tātunghaira; kakhanang ithumwui ngasāranu, kaja ithumna morei sāhaira!

EZEKIEL 16:46

“Kala nachonva, anao ngalāva̱li ngasoda nawui atungshong khalei Samaria china; kala anao ngalāva̱li ngasoda azingshong khaleiva̱ Sodom nagatuiva̱na.

HOSEA 7:1

Ina Israelli raikhami tharan, Ephraimwui khamakhao, kala Samariawui makhayā otsak phongshoka; kaja athumna nguida ot sai, khale china shimkaiya, kala ngaponkazābingna ayarshong ngapona.

AMOS 6:1

“Zionli leiyālak eina khaleibing, kala Samariali ningnganungkhun eina khaleibing, Israel shimkhur shok khavai rimeithui kaje yurwui khareia mibing, kakhanang ngasāranu!

AMOS 7:9

Isaacwui apam kajujui chi ramcho sāngasakra, kala Israelwui katharpam hupta sākazamhaora; kala ina Jeroboamwui shimkhurli makhamayā raighai eina ngararra.”

AMOS 8:14

Samariawui Ashimahli mingzaida shākhi sāda, ‘O Dan, nawui varena theiya’ kala, ‘Beer-shebawui mirin thāda kharingbing’ da hāngra, athumna pitāra, mangakarthuklui mara.”

MICAH 1:13

Siguigari siguibing khalapshanhaolu, Lachishli kapamabing; Zionwui naongalāva̱li morei kasā haokaphok chi nathumna, kaja nathumwui alungli Israelwui khayonkhamāng chi samphanga.