MICAH 1:4 - Kathara Bible (BSI)

⁴ Kala phungreibingna awui azingli menghaora, tampākbing amaitaren ngasāhaora, khuira̱ mei ngalemli kahai thāda, tara̱ arapli heikatā thāhaora.

MICAH 1:4 Iomraidhean Croise

LAA 46:6

Miyurbingna malungvāta, wungrambing nganuka; ana awui akhon vaowa, okathui menga.

LAA 68:2

Meikhut phanthui kahai thāda athumli kashamhaoranu; meili khuira̱ khameng thāda, Varewui mangāli makaphā makhayā chi shimānhaoranu!

LAA 97:5

Prohowui mangāli phungreibing khuira̱ thāda menga, okathui saikorawui Prohowui mangāli.

AMOS 9:5

Saikorawui Vare Proho chiya, ngaleili saza̱da menga, kala chili pānda khalei saikora sifaya, kala saikora chi Nile kong kathui thāda juikai, kala Egyptwui Nile kong thāda ngasun ngasaka;

NAHUM 1:5

Phungreibing awui mangāli nganuka, phungrābing menga; okathui kala chiwui alungli khalei saikora awui mangāli khikha masāvaimana.

HABAKKUK 3:10

Kaphungbingna nali theida reoranga; tara̱na kungkung longa; kathuka ngayina ngaphaokāda, akhon ngarungninghai.

HABAKKUK 3:6

Ana nganingda okathui hi ngatama; kala yurbingli yanglaga khanuka; chieina makhangachei kaphung khareirei ngapha̱yānghaowa, katang makhavai kaphungnanao ngasunzanghaowa. Awui pangshap achālakhawui chichinga.

ZECHARIAH 14:4

Chithanghon awui phei Jerusalemwui mangāli zingshoshong khalei Olive Kaphungli nganingra; kala Olive Kaphung chi khani sāda zingsho eina zingtun ngachaili tampāk kahakva akhana ngakaipakhaora; chieina Phungrei chiwui tangkhai atungshong ngakhunshanghaora, kala tangkhai azingshong ngakhuntāhaora.

PHONGKHAMI 20:11

Chiwui thili charshi kahai wungpamkhong kahakva akha chili kapama chili thei, awui mangāli kazingla okathuila shimānhaida athumwui pam maleisāmana.

WUNGVA̱-WUNGVĀ 5:4

Proho, nana Seirwui eina zatkaphok tharan, nana Edomshongwui eina kharā tharan okathui nganuka, kala kazing rotai, mah, muiyāwui eina zingrotla tai.