MICAH 1:3 - Kathara Bible (BSI)

³ Kaja yanglu, Prohona awui apamwui eina shokrāda lei, kala ana tāda okathuiwui kajuipambing tānaikazamra.

MICAH 1:3 Iomraidhean Croise

JOBWUI LAIRIK 40:12

Langkaso mi kachiva̱li yangda, ali nemta ngasaklu; kala makhayā mibingli nganingson eina naitālu.

LAA 115:3

Ithumwui Vare kazingli lei; awui ningkachāng athishurda ana sai.

ISAIAH 25:10

Kaja Prohowui pāngna kaphung hili ngasāmra, kala khorchopli lanji naikakazam thāda Moabli naikazamra.

ISAIAH 26:21

Kaja yanglu, Proho awui pamwui rārāli; mikumoli athumwui moreiwui vang danti mikhavai, kala okathuina awuitungli ashee tākahai chi lānchitheida, sāthat kahaibing chi mathumiluimara.

EZEKIEL 3:12

Chiwui thili Manglā china ili khāngkāhaowa, kala Prohowui tekhamatei chi apam chiwui eina kāmamān kaji eina, iwui khanukshong neina̱ kakhanukwui khon shai;

AMOS 4:13

Kaja yanglu, kaphung kasaa, masi sākashoka, kala awui kaphaning mili hāngkhame, ngathorshong tangmang khangasaka, okathuiwui atungli kazata, ashangva̱wui Vare Proho chi awui mingna!

AMOS 9:5

Saikorawui Vare Proho chiya, ngaleili saza̱da menga, kala chili pānda khalei saikora sifaya, kala saikora chi Nile kong kathui thāda juikai, kala Egyptwui Nile kong thāda ngasun ngasaka;

HABAKKUK 3:19

VARE, Proho iwui pangshapana; ana iphei chaowui kathāk thāda sāmi, ana ili kajujuipamli zatngasaka.

ZECHARIAH 14:4

Chithanghon awui phei Jerusalemwui mangāli zingshoshong khalei Olive Kaphungli nganingra; kala Olive Kaphung chi khani sāda zingsho eina zingtun ngachaili tampāk kahakva akhana ngakaipakhaora; chieina Phungrei chiwui tangkhai atungshong ngakhunshanghaora, kala tangkhai azingshong ngakhuntāhaora.

KHALATLUI 32:13

“Ana ali okathuiwui kajujui apambingli yongkān ngasaka, kala luiwui eina samkaphang ana zai; kala ana lunghārwui eina khuira̱ mimanga, lunghaila pam eina thao shokngasaka.

KHALATLUI 33:29

Ringkapha chi nathumna, O Israel! nathum thāda khipa lei, Prohona kankhuikhamiya yur. Nathumli ngākmi khavai kala maikhayā mikhavai, Prohohi nathumwui chāngvei kala raighaina. Nathumwui yangkashibingna nathumli lumashanmi khavai pora; kala nathumna athumwui kajuipam naikazamra.”