12 Kaja Marothli kapambingna kaphā chili honchingching hondalei, kaja makaphā chi Prohowui eina Jerusalem ngaveili rāhaira.
Kha ina kaphā phākazat tharan makaphā rai; kala ina kahor honakha tangkhamang rai.
Kahorla tangkhamangla ina sai, kaphāla kashila ina sai, saikora hi kasā Proho chi ina.
Nana Judahli khalanchao kahaila? Zionli namanglāna sānchaohaola? Khisāthuda nana ithumli khanang ngasakta ithumwui vang kharai maleithu? Ithumna chingri kahai phai, kha kaphā mashokmana; raikhavai atamwui vang phai, kha yanglu, khangachee khangachāmang.
Ithumna chingri kahai phai, kha khamathā akhala maleimana; khamā raikhavai atam phai, kha yanglu, khangacheemānga.
Keinungli talla̱ khonglaga makhangachee kali lei? Prohona kasā maningla kathāda keinungli kalākashi tāpaira?
Kaja awui khamā maraikapaiyana, kala chi Judahli rāshunghaira, chi iwui miyurwui ngaveili rāpeihaira, Jerusalemli raza̱haira.
Ana ngahānkai, “Ili Naomi mahola Mara holu,” kaja “Pangshap sāshapa china ili sāshilak eina sai.
Ana ungkashung tharan, Elina shongfa ngalemli awui pamkhongli pamda ngashānsai; kaja, Varewui oko khuithui kahai chiwui vang ngacheeshunhaowa. Kala mipa china pao chi ungkahāng eina keinungwui mi saikora chapngachai.