MATTHEW 9:5 - Kathara Bible (BSI)

⁵ ‘Nawui morei pheomihaira’ da kahāng phāmeikā, ‘Ngakarthuida zatulu’ da kahāng phāmeirakhala?

MATTHEW 9:5 Iomraidhean Croise

MATTHEW 9:2

Yanglu, athumna awuili sheikasha̱ mi akha pet eina phonda ngazonrai. Jishuna athumwui shitkasang chi theilaga sheikasha̱pā chili hānga, “Pingmeilu, inaomayara! Nawui morei pheomihaira.”

MATTHEW 9:6

Kha hi okathuili miwui Naomayarana morei pheomikashap pangshap leiya da nathumna theikhui khavaina.” Chiwui thili ana sheikasha̱ chili hānga, “Ngakarthuilu, nawui pet ngava̱khuida shimli ungulu.”

MARK 2:5

Jishuna athumwui shitkasang chi theilaga sheikasha̱pali, “Inaomayara, nawui morei pheomihaira.” da hānga.

LUKE 5:20

Jishuna athumwui shitkasang chi theida hānga, “He mayara, nawui morei pheomihaira.”

LUKE 7:48

Sha̱naopava̱ chili hānga, “Nawui morei saikora pheomihaira.”

OTSAK 3:16

Awui mingli shitkasang china nathumna theida khalei mipa hili pangngasakhaira, kala Jishuwui mangā eina shitkasang china nathum saikorawui mangāli awui phasā pongngasakhaira.

OTSAK 9:34

“Aeneas,” Peterna ali hānga, “Jishu Khristana nali phāngasakhaira. Ngakarthuida nawui pet masankhuilu.” Chieina ana ngalāngda ngakarthui.