MATTHEW 9:38 - Kathara Bible (BSI)

³⁸ Chiwui vang eina kahātwui akhavā Proholi kahāta mi chungmeida shirāt khavai seihā sālu.”

MATTHEW 9:38 Iomraidhean Croise

LAA 68:11

Prohona kakaso miya; paokaphā phungkhami ashangva̱ chi hakmahālaka:

LAA 68:18

Narkahaibingli thānda nana kaphung kajuili kai; mibing kala ngakaikashebingwui einala kachigat khuiya; kaja apam chi Prohona sompam khavaina.

JEREMIAH 3:15

“‘Kala iwui kaphaningli ngaraikachā yaokahomabing ina mira, athumna nathumli theithangkhamei kala theikhuikathei eina ngasoda phauira,

MICAH 5:7

Chiwui thili Jacobwui shākkahaibing chi miyur kachungkhawui alungli leira, mibingwui vang makhangaraia, mikumowui vangla mahuikhanganonga Prohowui eina kharā ikra̱ thāda, khawotungli zingpā tākharor thāra.

MATTHEW 9:37

Chiwui thili ana awui sākhangatha̱bingli hānga, “Hatkhavai mā kachungkha lei, kha kahāta mi machungmana.

JOHN 20:21

Chieina Jishuna hāngluishita, “Nathumli chingrihairanu. Avāna ili kashirāt thada ina nathumli kashivātna.”

JOHN 4:35

Nathumna, ‘Kachāng mati vātfaya, chiwui thili māhā rāra’ da mahāngmala? Ina nathumli kahāngna, namik kapeikāda ngashānyanglu, mā chi hātkhavai minhaira.

OTSAK 13:2

Athum kakhum eina Proholi seihā sāda leilakha Manglā Katharana hānga, “Ina sāngasakkhangai ot chiwui vang Barnabas eina Saulli phaishokmilu.”

OTSAK 8:4

Chitharan ngapha̱ kahaibing china apam kachida paokaphā tamchithei.

1 CORINTHNAO 12:28

Varena churchwui alungli saikora hi kachichāwui pam ngarānmi: rimeikapta paokazata, kakhaneli marān, kakathumali ojā; chiwui thili matakhak kahai kasaa, chiwui thili kazāt raikhame, ngachonkhame, mawunwo, kala tuiyār tarākha khamatuia kapangsangmi.

EPHESIANAO 4:11

Kala “Mikumoli lemmet khame” chi ana. Ana kaikhali paokazata, kaikhali marān, kaikhali evangelist, khangatei kaikhali yaokahoma kala ojā sāngasaka.

2 THESSALONICANAO 3:1

Ivānaobing, naomeikapta, nathumwui ngachaili kashok thada Prohowui chānpao hi thāklāk eina ngayaovāshum khavai kala khayākashi eina khuisang khavai ithumwui vang seihā sāmilu.