MATTHEW 9:37 - Kathara Bible (BSI)

³⁷ Chiwui thili ana awui sākhangatha̱bingli hānga, “Hatkhavai mā kachungkha lei, kha kahāta mi machungmana.

MATTHEW 9:37 Iomraidhean Croise

LAA 68:11

Prohona kakaso miya; paokaphā phungkhami ashangva̱ chi hakmahālaka:

MATTHEW 20:1

“Kaja kazing wungram chiya shimva̱na awui yāmguili ot sākhavai ngathorthakva̱ ngalangkaphei mi phākazat kathāna.

MATTHEW 28:19

Chiwui vang eina nathumna vāda miyur saikorali iwui sākhangatha̱ sāngasaklu; athumli Avā kala Anaomayara kala Manglā Katharawui ming singda ra̱hikmilu,

MATTHEW 9:38

Chiwui vang eina kahātwui akhavā Proholi kahāta mi chungmeida shirāt khavai seihā sālu.”

MARK 16:15

Ana hānga, “Okathui apam katongali vālu kala miyur saikorali paokaphā hi hāshoklu.

LUKE 10:2

Kala hithada hānga “Hātkhavai mā kachungkhaya, kha kahāta mi kateokhamānga; chiwui vang eina awui mā kahātli kahāta mi chungmeida shirāt khavai seihā sālu.

LUKE 24:47

Kala awui ming singda nathumna Jerusalem eina thuida miyur saikorali ningngateida morei pheokhavai pao hāshokra.

OTSAK 16:9

Chithang ngayā Paulli mahākhami akha rāchithei: Macedoniawui mi akhana nganinglaga ali, “Macedoniali rāda ithumli ngachonmilu” da poi.

OTSAK 18:10

kaja ina nali ngasomida lei, nali khipānakha ka̱lā mashingasakmara, kaja keinung hili iwui mi kachungkha lei.”

1 CORINTHNAO 3:9

Kaja ithum Varewui vang otsakrumabingna kala nathumna Varewui luiyam kala shimna.

2 CORINTHNAO 6:1

Vareli otsakruma ngasā kahaiwui vang nathumna samkaphanga lukhamashan chi arema mangasā ngasak khavai kapona.

COLOSSIANAO 4:11

Justusla kaho Joshuanala shālam chiphunli. athum hi ili ngasoda Vare wungramwui vang ot sakharuma Jihudiwui eina Vareshi sākahaibingna. Athumna ili tarākha ngachonmida lei.

1 TIMOTHY 5:17

Mathada yangkhame khararnaobing chili, mataimeikapta tamkachithei eina pao hākashok athum chili mataimeida khayāshiranu.

JAMES 5:4

Yanglu, lui vākhamebingli nathumna ngalangman makhamiwui vang athumna chapta lei kala athumwui kachapkhon Reikhamatai Proho Varena shāhaira.