MATTHEW 9:36 - Kathara Bible (BSI)

³⁶ Ana yarui ashangva̱li kathei tharan athumli lumashanlakhaowa, khiwui vangkhala kaja athum chi yaokahoma makhalei yaonaobing thada athumli singkharenglaga ngachonkhamela maleithuwa.

MATTHEW 9:36 Iomraidhean Croise

1 WUNGNAOBING 22:17

Ana hānga, “Yaokahoma makhalei yaobing thāda Israelnao saikora kaphungli chaiyāng kahai ina thei; kala Prohona hānga, ‘Hibingwui akhavā maleimana; athum kachiva̱ chingri eina ichichāshili unghaoranu!’”

2 THOTRINCHĀN 18:16

Ana hānga, “Yaokahoma makhalei thāda Israel saikorali kaphungli chaiyāng kahai chi ina thei, kala Prohona, ‘Athumwui akhavā maleimana, kachichā shimli chingri eina latunghaoranu’ da hānga.”

ISAIAH 13:14

Rengkazat chao thāda, ngakuikhame makhalei yao thāda, mi kachiva̱ kachichā mibingwuili latungra, kala mi kachiva̱ kachichāwui ramli yāmungra.

JEREMIAH 50:6

“Iwui mibing shimān kahaia yaobing ngasāsai; athumwui yaokahomabingna thannguihaida athumli phungreibingli kashamvāhaowa; phungrānaowui eina phungreili thuihaoda athumwui yaoshangli malaihaowa.

ZECHARIAH 10:2

Kaja Teraphimna makakachanga tui matui, kameo khangasobing kapika, mang katheibingna kakapikmāng hānga, ninglum khavai hangphāphai. Chiwui vang eina mibingna yao thāda ma̱zata, yaokahoma maleithuda athumna khananga.

ZECHARIAH 11:16

Kaja yanglu, kashimānbingwui vang ning makakharika, ma̱kazatbingli maphākhuikhame, sheikasha̱abingli mayangkhame, kazāt makhaleibingli mangakuikhame, kha asā kakā kapangshaida akhomareng eina tangda serkakazama yaokahoma akha ina shokngasakra.”

MISHĀN 27:17

ana athumwui mangāli rizatra, athumli thanshokmira kala thānzangmira; chithāda sāda Prohowui ashangva̱ yaokahoma makhalei yaonao thāda mazatmara.”

MATTHEW 10:6

kha shimān kahai Israel shimkhurwui yaonaobing chili vātha̱lu.

MATTHEW 14:14

Jishuna ngayipheili kashok eina mi kachungkha chili theilaga lumashanlakhaoda athumwui kazātla raimi.

MATTHEW 15:24

Jishuna ngahānkai, “Ili shimān kahai Israel shimkhurwui yaonaobingwui vāngmang shirātkharāna.”

MATTHEW 15:32

Chiwui thili Jishuna awui sākhangatha̱bingli hokhuida hānga, “Ina yarui hili lumashanlakhaira, khiwui vangkhala kaja athumna ili ngasokapam hi kathumthang kāhaira, laga athum zākhavai khikhala maleimana; kala shongfali athum vānhaipaishina da kakhum eina athumli mashiunngaimana.”

MARK 6:34

Jishuna marikhongwui eina kārkashok tharan mi kachungkha chili theida lumashanlakhaowa, kaja athum yaokahoma makhalei yaobing thai. Chieina ana athumli apong kachungkha tamchitheiphoka.

MARK 8:2

“Mibing hili lumashanlaka, kaja athumna ili ngasokapam hi zimiksho kathumthang kaura kala athum ara zākhavaila maleithura;

HEBREWNAO 4:15

Ava ithumwui khangazanli malukhamashana pāngmon kharei maningmana. Lākhashong phaningakha, ithumwui thada alila suihaira, kha ava morei masālakmana.

HEBREWNAO 5:2

Ala apong kachungkhali khangazanwui vang, matheithangkhamabingna khayon kasā saikora chili malungkhanim eina ot sāshapa.