MATTHEW 9:33 - Kathara Bible (BSI)

³³ Kameo kashamshokmikhaleoda khak khangasha̱pā chi matuipaihaowa kala yarui saikora matakhakhaoda “Israelli hikathā hi matheilakranga” da hāngngaroka.

MATTHEW 9:33 Iomraidhean Croise

2 WUNGNAOBING 5:8

Kha Israelwui awungana kachon serkhāka da kashā tharan, Varewui mi Elishana mi chihovāda awungali ahāng ngasaka, “Nana khisāda kachon serkakhakkhala? Ali iwuili chihorālu, kala Israelli marān akha lei kaji theikhuiranu.”

LAA 76:1

Judahwui eina Vareli theisera; Israelli aming haklaka.

ISAIAH 35:6

Phei kathākana chaonao thāda ngalongra; khangasha̱bingnala male eina laa sāra. Kaja lamhāngwui eina tara̱ shokra, kala siwukli kong longra.

JEREMIAH 32:20

Egyptli leilakha machut khavai kala matakhak kahai kachungkha sāchithei, aja rāshungda Israelwui kala miyur saikorawui alungli chitharanwui thāda naming ngayao khangasakna.

MATTHEW 8:10

Jishuna chi kashā eina matakhakhaida athi kashurabingli hānga, “Kachangkhat eina ina nathumli kahāngna, Israelnaobingwui alungli ina hikathā shitkasang masamphanglakmana.

MATTHEW 9:32

Athum zatphokukida ngarānmahunglakha, yanglu, kameo kazanga khak khangasha̱ akha awuili khuirai.

MARK 2:12

Ana ngakarthuilaga hengsāda awui pet khuiphungda athumwui mangāli phongshar eina zatshokhaowa. Chi kathei eina athum matakhakhaida Vareli sochikatta hānga, “Hikatha hi rida ithum matheilakranga.”

LUKE 11:14

Chiwui thili Jishuna khak khangasha̱ kameo akha kashamshokmida leisai, kala kameo china shokkahai eina mipā chi tui matuipaihaida mibing chi matakhakhaowa.

LUKE 7:9

Jishuna tui chi kashā eina matakhakhaowa kala shurkazat mi kachungkha chili ngareiungda hānga, “Ina nathumli kahāngna, Israelwui alungli ina hikathā shitkasang matheilakranga.”