MATTHEW 9:2 - Kathara Bible (BSI)

² Yanglu, athumna awuili sheikasha̱ mi akha pet eina phonda ngazonrai. Jishuna athumwui shitkasang chi theilaga sheikasha̱pā chili hānga, “Pingmeilu, inaomayara! Nawui morei pheomihaira.”

MATTHEW 9:2 Iomraidhean Croise

HĀSHOKME 9:7

Vāda, ningyangunglak eina aphāshak aphāzālu; kaja nana kasāsā chi Varena mayāmi kahaina.

ISAIAH 44:22

Muiya thāda nawui sakhalāng, leichui thāda nawui morei ina phanthuimihaira; ili latunglu, kaja ina nali ngatangmihaira.

MATTHEW 14:27

Jishuna heng sāda hānga, “Pingmeilu, ina; mangacheealu.”

MATTHEW 4:24

Chithada sāda Syria ngalei saikorali awui mingzat chi ngayaovāserhaowa. Chieina athumna kazātyur ayāyāva̱ eina kakazā kala kazāda chotchāng kahai mibing, kameo kazangbing, zingmeirai kakazābing kala sheikasha̱bing awuili khuirai kala ana raimisera.

MATTHEW 6:12

Ithumli khayonkhamāng kasābingli ithumna pheomi kahai thada, Ithumwui khayonkhamāngla kapheomilu;

MATTHEW 8:10

Jishuna chi kashā eina matakhakhaida athi kashurabingli hānga, “Kachangkhat eina ina nathumli kahāngna, Israelnaobingwui alungli ina hikathā shitkasang masamphanglakmana.

MATTHEW 8:16

Chithang ngazin kameo kazanga mi kachungkha awuili khuirai kala ana tuikhurnao akha eina kameobing chi kashamshokserhaowa, kala kakazā saikora raimisera.

MATTHEW 9:22

Jishuna ngareiungda sha̱naopāva̱ chili thei kala hānga, “Pingmeilu inao ngalāva̱ nawui shitkasangna nali raingasakhaira.” Chieina sha̱naopāva̱ chi chichangli raihaowa.

MATTHEW 9:5

‘Nawui morei pheomihaira’ da kahāng phāmeikā, ‘Ngakarthuida zatulu’ da kahāng phāmeirakhala?

MATTHEW 9:6

Kha hi okathuili miwui Naomayarana morei pheomikashap pangshap leiya da nathumna theikhui khavaina.” Chiwui thili ana sheikasha̱ chili hānga, “Ngakarthuilu, nawui pet ngava̱khuida shimli ungulu.”

MARK 1:32

Chithang ngazin zingtunlam mibingna kakazānaobing eina kameo kazangbing Jishuwuili khuirai.

MARK 10:49

Jishuna ngasāmlaga, “Ali hokhuilu” da kasoi. Chieina athumna mik khangapeoa chili hokhuida hānga; “Ringphālu; ngakarthuilu, ameina nali hoda lei.”

MARK 5:34

Kala ana ali hānga, “Inao ngalāva̱, nawui shitkasang china nali phāngasakhaira, chingri eina ungulu, kala nawui kazāt raihaoranu.”

MARK 6:50

kaja athumna ali kathei eina ngacheeshunhaowa. Kha Jishuna hengsāda athumli hānga, “Pingmeilu, ilaka, mangacheealu.”

JOHN 16:33

Ina nathumli hi hānghaira, iwuili nathumna chingri kahai samphangra. Okathuili nathumna kachotkachāng samphangra, kha ningai mathānlu, ina okathuili yuihaira!”

JOHN 2:25

mi khipānakha athumwui pongli ali hāngmi khavai darkar masāmana kaja a khalattana athumwui ningli khi leikhala kaji thei.

JOHN 21:5

Chieina Jishuna athumli hānga, “Inaongarā, nathum khaih kaphākhuila?” “Makhuimana,” da athumna ngahānkai.

OTSAK 14:9

Ana Paulwui tamkachithei chi ningsanglak eina nganai, kala awuila raimi ngasakra kajiwui shitkasang lei kaji kathei eina

OTSAK 19:12

Ana shikachina romalla kala shānnei kachonla awui eina kakazānaobingli khuivāda kazāt raimi, kala chipeela athumwui eina shokhaowa.

OTSAK 23:11

Chithang ngayā Prohona Paulwui ngalemli ranganingda hānga, “Mangacheealu! nana iwui vang Jerusalemli shākhi kasā chithada Romelila shākhi sāphalungra.”

ROMNAO 5:11

Chimāng maningmana, kha ithumwui Proho Jishu Khristawui mangā eina ngashimmihaoda ithum ringphai.

JAMES 2:18

Kachikathā mina “Nawui shitkasang lei kala iwui otsak lei” da hāngra. Ots maleila nawui shitkasang ili chitheilu, ina iwui shitkasang otsak eina nali chitheira.