MATTHEW 9:18 - Kathara Bible (BSI)

¹⁸ Jishuna athumli tamchithei mahunglakha, yanglu, khamunga akhavā akhana awui mangāli rākhuktizangda hānga, “Inao ngalāva̱ thichamhaira; rāda napāng awuitungli parza̱milu, chithākha a ringluihaora.”

MATTHEW 9:18 Iomraidhean Croise

2 WUNGNAOBING 5:11

Kha Naaman malungvāthaida “Yanglu, ana iwuili shoknganingda, awui Proho Vareli mingzaida kazatpamli awui pāng khangkāda iwui kazat raimilakra da phaningkasāna.

MATTHEW 14:33

Kala marikhongli tongkasa mibingna ali khorumda hānga, “Kachangkhat na Varewui Naomayaralaka.”

MATTHEW 15:25

Kha sha̱naopāva̱ china amangali khuktizangta, “Amei, ili khangachonmiphalunglu” da hānga.

MATTHEW 17:14

Athumna yaruili latkhaung tharan kachikathā mi akhana awui mangāli rākhuktizangda hānga,

MATTHEW 20:20

Chiwui thili Zebedeewui naomayara khanili ava̱va̱na thānlaga Jishuwui mangāli khuktizangda kachikatha akha sāmi khavai rāpoi.

MATTHEW 28:17

Athumna ali kathei tharan athumna ali khoruma; kha kaikhana ningmaonga.

MATTHEW 8:2

Kala yanglu, phārrei kakazā mi akha rāda awui mangāli khuktizangda hānga, “Proho, nana tharmiga jiakha ili tharmishapa.”

MATTHEW 8:25

Chieina athumna ali amathotkhuida hānga, “Amei, ithumli kanmilu, ithum shimānki jiura.”

MATTHEW 9:17

Chi tākam eina khipānakha kadhara drakhāra̱ chi kachama drakhā sāhuishonli mathaisangmana; thaisangakha sāhuishon chi ngawokhaida atheira̱ chi heitha̱serhaowa kala shonla shimānhaowa. Kha kadhara drakhāra̱ chi kadhara sāhuishonli thaikasang khangachāna, chithākha khanini mashimānmana.”

MATTHEW 9:19

Chieina Jishuna ngakarthuida awui sākhangatha̱bingli ngasoda athi shurvai.

MATTHEW 9:24

“Mi kachiva̱ ayarli shokhaolu! Kateoa ngalāva̱ hi thikahai maningmana, kha pida khaleina” da hānga. Chieina athumna ali mana̱shiya.

LUKE 13:14

Kha Synagoguewui akhavā china sabbaththang Jishuna raikhamiwui vang malungvāthaoda mibingli hānga, “Ot sākhavai zimiksho tharukthang lei, chiwui alungli rālu kala rāraikhuilu kha sabbaththang marālu.”

LUKE 18:18

Chiwui thili Jihudiwui kathāna akhana Jishuli rāngahāna, “Kaphā Ojā, makashimān kharing samphang khavai ina khi sārakhala.”

LUKE 7:2

Chitharan raimi shākhawui akhavā akhana lumlak kahai rao akha kazāda thinanai leisai.

JOHN 11:25

Jishuna ali hānga, “Iya ringkhaluia kala kharingana. Kachikathāna ili shitsangakha thihaisālala ringra;

JOHN 11:32

Maryna Jishuli vākashung eina khuktizangda hānga, “Proho, na hili leisāsi kaja ipā mathilākmara.”

OTSAK 13:15

Moseswui ain lairik kala marānbingwui lairik pākup kahaiwui thili synagoguewui akhavābingna anili pao chihovai, “Ivānao khani, nanina mibing hili kasatsangkhangai leiakha kasatsangmilu.”

OTSAK 28:8

Chitharan Publiuswui avāva̱ chi kakharur eina ashee kapai ngasoda kazāhaoda petli pipamda leisai. Paulna ali zangyangda seihā samida awuitungli pāng parrorda ali raimi.