MATTHEW 9:15 - Kathara Bible (BSI)

¹⁵ Chieina Jishuna athumli hānga, “Shakazā mayarana athumli ngasopamda leilakha shakzātli kharā mibingli chikhumpairalā? Shakazā mayara chili athumwui eina khuikathui atam rārāsara: chithang athum khumnaora.

MATTHEW 9:15 Iomraidhean Croise

ISAIAH 22:12

Chithanghon saikorawui Proho Varena sikafa kala chapkhangachā, kui sikatā, bora khangavai atam khuirāra,

MATTHEW 9:14

Chiwui thili Johnwui sākhangatha̱bingna Jishuli rāhānga, “Khiwui vang eina ithum eina Phariseebingna khumlaga nawui sākhangatha̱bing makhumthukhala?”

MATTHEW 9:16

“Khipānakha kachama kachonli chonshi kadhar matāksangngayaomana, kaja tākkasang chi kachon chiwui eina kākshokhaoda zakshimeikhār kākhaowa.

MARK 2:19

Chieina Jishuna athumli hānga, “Khām kahaipa china shakzātli kharābingli ngasopamda leilakha athum khumpairala? Khām kahaia china athumli ngasopamda leilakha eina tangda makhumpaimana.

MARK 2:20

Kha mākhām kahaia chili athumwui eina khuikathui atam rārāsāra, chithang athum khumnaora.

LUKE 17:22

Chiwui thili ana awui sākhangatha̱bingli hānga, “Nathumna miwui Naomayarawui atam chi thangkhamāngla theingailala matheirarki kaji zimiksho rārāsāra.

LUKE 5:34

Chieina Jishuna athumli hānga, “Khām kahaia china athumli ngasopamlakha shakzātli kharābingli chikhumpairalā?

LUKE 5:35

Khām kahaia chili athumwui eina khuikathui atam rārāsāra, chithanghon athum khumnaora.”

JOHN 16:6

Kha ara ina hikathāthā kahāngwui vang nathum wukkakhanangna pemhaira.

JOHN 3:29

Khām kahaiva̱ leikahaia chi khām kahaiana. Khām kahaiawui khamashita, awui ngalemli nāshungda khalei china khām kahaiva̱wui akhon kashā eina mathāna. Chithada sāda iwui ringkaphā chi ara kāshunghaira.

OTSAK 14:23

Church kachiva̱li anina ararbing kapangsangmi kala kakhum eina seihā sālaga kapang kahai athum chi athumna shitkasanga Prohowui pāngli horsangmi.

1 CORINTHNAO 7:5

Seihā sākhui khavai khaninina mayāngarokta atam kasha̱nakhawui vang pākkhangarok maningakha akha eina akha mamayā khangarok masaalu, pāksālala ngakumluishitlu, maningakha khalatta mangarinkharar eina Satanwui kasuili tazanghaipaishina.

2 CORINTHNAO 11:27

Ringkashi kachotkachāng ngayā mapikakhui, kathai, ra̱kachang, kasāngkharei kakhum, kasik kala kashankachon makhangavai kachungkha shida samphanghaira.

PHONGKHAMI 19:9

Kala kazingraona ili hānga, “Hi kapikhuilu: Yaonaowui shakazā zātkhānli kahobing chi sokhami ngasāranu” kala ana ili hānga, “Hi Varewui tuilaka.”

PHONGKHAMI 21:2

kala mākhām kahaiva̱na gaharali samphang khavai shaksākazak kahai thada kathara keinung, kadhara Jerusalem chi kazingramwui Varivarawui eina katā chi ina thei,