MATTHEW 9:10 - Kathara Bible (BSI)

¹⁰ Jishuna Matthewwui shimli phazāda leilakha khāshinā khalokabing kala morei kaphungbing kachungkha rāda Jishu eina awui sākhangatha̱bingli ngasoda phazāruma.

MATTHEW 9:10 Iomraidhean Croise

MATTHEW 9:11

Phariseebingna hi kathei eina awui sākhangatha̱bingli hānga, “Khiwui vang nathumwui ojāna khāshinā khalokabing eina morei kaphungabingli phazārumkhala?”

MATTHEW 9:9

Jishuna apam chiwui eina zathaowa kala shongfali zatmamānda leilakha khāshinā khaloka, Matthew kahopā chi khāshinā khuikhavaipamli pamkasā chi thei. Jishuna ali, “Ithi shurlu” da hānga. Chieina Matthewna ngakarthuida athi shurthuwa.

JOHN 9:31

Varena morei kaphungbingli mashāmimana, kaji ithumna thei, kha ali khokharuma kala awui ningkachāng kasā athumli Varena shāmi.