MATTHEW 8:8 - Kathara Bible (BSI)

⁸ Kha shipai shākhawui akhavā china ali ngahānkai, “Amei, nali iwui shimli chizunki kaji iwui matik maningmana; kha thada tui chimāng hāngmimalu, china iwui rao raihaora,

MATTHEW 8:8 Iomraidhean Croise

HAOKAPHOK 32:10

nana narao ili hiyākha leikashi, mayonkhami hi iwui matik maningmana, ina khāmshui singlaga Jordan kānhaira, ara iwui khalalei katonga khum khani sāhaira.

LAA 10:17

O Proho, malungkhanimawui ningkachāng chi nana shāmira; athumwui wuklung nana pingngasakra, nana nāshungmira,

LAA 107:20

ana awui tui chihovāda athumli raimi; kala shimānki kajiwui eina athumli kanshokmi.

LAA 33:9

Kaja ana kahāng eina chithāda ngasāthuihaowa; ana kasoi, chieina nganingshinghaowa.

MISHĀN 20:8

“Khāmshui chi khuilu, kala nachinā Aaron nanina yarui ashangva̱ kazipkhuilu, kala athumwui miktāli tara̱ shokkhavai lunghār chili hānglu; hithāda nanina yarui ashangva̱wui mangkhavai tara̱ khuishokmira, chithāda sāda yarui kala athumwui sha̱keila tara̱ khamang samphangra.”

MATTHEW 3:11

Ning khangateiwui vang ina nathumli tara̱ eina ra̱hikmi, kha iwui thili rārāda khalei A chiya ili reimei, I awui pheihop phungkida matik machāmana. Ana nathumli Manglā Kathara kala mei eina ra̱hikmira.”

MATTHEW 3:14

Kha Johnna awui ning suitā ngasakida, “Ili nana ra̱hikmitha̱ki kajina, laga nali ra̱hikmi khavai ili rāli?” da hānga.

MATTHEW 8:3

Chieina Jishuna awui pāng katingvāda ali saza̱da hānga, “Ina sāmilakra, tharchaohaolu.” Ngalāngda awui khangaphār chi tharhaowa.

MATTHEW 8:7

Chieina Jishuna ali hānga, “Ina rāda raimira.”

MATTHEW 8:9

kaja ila iwui azingli shipai ngavālaga akhavābingwui azingli ot kasā mina, kala iwui azinglila raimi tarākha lei; kala ina akhali ‘Vālu’ jiakha ana vai, kala khangatei akhali ‘Rālu’ jiakha ana rai kala iwui raoli ‘Hi sālu’ jiakha ana chi sai.”

LUKE 15:19

I nawui nao akhana da mahophayoluimana; nawui masākakhui rao akha thada kakhuimilu’ da hāngra.

LUKE 15:21

Chieina anaomayarana ali ‘Avā, ina Varewui mangālila, nawui mangālila khayon ot sāhaira, I nawui nao akhanada mahophayoluimana’ da hānga.

LUKE 5:8

Kha Simon Peterna chi kathei eina Jishuwui pheizingli ngakhumzangda hānga, “He Proho, iwui eina kathuimihaolu; kaja I morei kaphunga mina.”

JOHN 1:27

Iwui thili kharā chi ana, I awui pheihop khara̱ eina tangda makhalāmiphayomana.”