MATTHEW 8:4 - Kathara Bible (BSI)

⁴ Jishuna ali hānga, “Khipālikha mahāngalu, kha vālu, nawui phasā chi pāngmonli achitheilu, kala mibingna theikhui khavai Mosesna kaso kahai chigatki kaji chi achigatlu.”

MATTHEW 8:4 Iomraidhean Croise

ISAIAH 42:21

Awui khamashung khangarong mangā eina Prohona ningyāngunglaka, awui ain reisangda tekmatei khavai.

PĀNGMONSHI 13:49

kazāt chi matekrisi, lah hungrisi da theiakha, chi phārrei kazātna kala chi pāngmonli chitheiphalungra.

MATTHEW 10:18

khamungabing, awungabing kala Gentilebingwui mangāli iwui mingli shākhi sākhavai nathumli khamungabing kala awungabingwui mangāli shimenvāra.

MATTHEW 16:20

Chiwui thili sākhangatha̱bingli A hi Khrista china kaji chi khipalikhala mahānglakalu da ningmi.

MATTHEW 17:9

Athumna phungreiwui eina katā tharan Jishuna athumli, “Miwui Naomayarana kathiwui eina maringshokranglakha eina tangda khamahā hi khipālikha mahāngalu” da ningmi.

MATTHEW 3:15

Kha Jishuna ali ngahānkai, “Hithāsāhaoranu! kaja Varena ngarān kahai chi ungshung khavai hi sāngayilaka.” Chieina Johnna mayāhaowa.

MATTHEW 5:17

“Ain eina marān tui chi shimān ngasakida I kharāna da maphaningalu. Chi shimān ngasakida kharā maningla kha chi ungshung ngasak khavai I kharāna.

MATTHEW 6:1

“Nathumna sākhangayi kaphā ot kasā chi mibingna mathei khavai ning ngasharlu, kaja nathumna chithei khavai saakha kazingli khalei nathumwui Avāwui eina sāman masamphangmara.

MATTHEW 9:30

Kala anina kathei samphanga, Jishuna anili saklak eina “Khipālikha mathei ngasaklu” da ningmi.

MARK 13:9

“Kha nathum khalatta ning ngasharlu, kaja nathumli athumna kārotli khuikara; nathumli synagogueli kashaola shaora; kala iwui vang nathum khamungbing eina awungabingwui mangāli shākhi mikhavai kānganingra.

MARK 3:12

Chieina Jishuna athumli a khipākhala da khipālikha mahāng khavai kasoi.

MARK 5:43

Kala Jishuna athumli mi khipālikha mahāngpailakmara da kasoi kala “Ali shaikhavai khuimilu” da hānga.

MARK 6:11

Kala kachikatha apamli nathumli mazun ngasakakha kala manganāsangakha, nathum kazat tharan athumli makhamayawui shākhi kachithei sāda pheili kakā chifa chi kathangtāhailu.”

MARK 7:36

Kala ana mi khipālikha mahangalu da athumli ningmi; kha athumna mataimeida vaomalāna.

MARK 8:30

Kala Jishuna athumli awui maramli khipālikha mahāngalu da ningmi.

MARK 9:9

Athum kaphungwui eina tāmamānlakha Jishuna athumli kasoi, “Miwui Naomayarana kathiwui eina maringshokranglakha eina tangda nathumna theikahai chi mi khipālikha mahānglakalu.”

LUKE 17:14

Jishuna athumli kathei eina hānga, “Zatulu, kala nathum khalattana pāngmonbingli achitheilu.” Athumna zatmamānlakha athumli tharmihaowa.

LUKE 21:13

Hi shākhi mikhavai nathumwui vang kachā atamna.

LUKE 4:41

Mi kachungkhawui eina chipeebing china “Na Varewui naomayarana” da panglāk eina vaolaga yāmshoka. Kha ana athumli khararda tuila mamatui ngasakmana, khiwui vangkhala kaja athumna a Khrista china da theihaowa.

LUKE 5:14

Ana “Mi khipālikha mahānglakalu, kha vālu, na khalattana naphasā pāngmonli achitheilu kala Mosesna kaso kahai athishurda nali tharmihaira kaji mibingna machutkhui khavai pha̱kaphayā achigatlu.” da hānga.

LUKE 8:56

Ava̱ eina avāva̱la matakhakhaowa kha Jishuna shokkahai chi khipālikha mahanglakalu da kasoi.

LUKE 9:21

Kha Jishuna athumli tui hi mi khipālikha mahāng khavai kasoi.

JOHN 5:41

Ina mikumowui masot maphāmana.

JOHN 7:18

Khalatawui sāshap eina khamatuia china khalattawui maikhayā phai, kha ali kashirātawui maikhayā kaphā a chi khamashungana kala awuili sākakhaning maleimana,

JOHN 8:50

Chitha-ilala I khalattawui khayākakā maphāmana; chi kaphā Akha lei, kala ana bicharwo sāra.