MATTHEW 8:31 - Kathara Bible (BSI)

³¹ Chieina ali kameobing china, “Nana ithumli kashamshokra jiakha hok ashangva̱ chili khavāzang ngasakmilu” da poi.

MATTHEW 8:31 Iomraidhean Croise

MATTHEW 4:24

Chithada sāda Syria ngalei saikorali awui mingzat chi ngayaovāserhaowa. Chieina athumna kazātyur ayāyāva̱ eina kakazā kala kazāda chotchāng kahai mibing, kameo kazangbing, zingmeirai kakazābing kala sheikasha̱bing awuili khuirai kala ana raimisera.

MATTHEW 7:6

“Kathara ot chi fali mamialu, athumna hanungda makeipaishina; kala khayingmukta chi hokwui mangāli mahorsangalu, athumna naikazazamlaga naiphumhaipaishina.

MATTHEW 8:30

Atam chitharan athumwui eina katāda hok ashangva̱ akha phāzāzatta leisai.

MATTHEW 8:32

“Thulu” da Jishuna athumli hānga, chieina athumna shoklaga hokshang chili vāzanghaowa. Kala yanglu, hokshangva̱ chi shamadruphei amaitarenli yongkachuptāda tara̱li hikthatserhaowa.

MARK 5:12

kala athumna Jishuli “Ithumli hokbing chili chihovāda azang ngasakmilu” da poi.

MARK 5:7

kala panglāk eina vaoda hānga, “Reikhamataiya Varewui Naomayara Jishu, nana ili khi sāki kajikhala? Varewui mingli kapona kaja ili marekharekmialu.”

PHONGKHAMI 12:12

Chiwui vang eina mathānlu, O kazingram kala chili khaleibing! Kha okathui eina shamadru, kakhanang ngasāranu, kaja chipee china awui atam ungshungrāli kaji theida nathumwuili malungvātlak eina tāhaira.”