MATTHEW 8:29 - Kathara Bible (BSI)

²⁹ Jishuli samphangkhaleoda anina vaoda hānga, “He Varewui Naomayara, inili nana khi sāki kajikhala? Atam maungshungranglakha nana inili rekharek khavai apam hili kharālā?”

MATTHEW 8:29 Iomraidhean Croise

2 SAMUEL 16:10

Kha awungana, “Zeruiahwui naomayarabing iwui pongli khi hāngsang khavai leikhala? Prohona, ‘Davidli khonshilu’ da hāngakha, ‘Khisāda khonshikhala?’ da khipa hāngpaira?”

2 SAMUEL 19:22

Kha awungana hānga, “Zeruiahwui naomayarabing, iwui pongli khi hāngsang khavai leikhala? Kaja aja nathum iwui yangkashi sāhaorala? Aja Israel akhali shaothatkapai atamla? Kaja aja I Israelwui awungana kaji ina matheithula?”

1 WUNGNAOBING 17:18

Chieina ana Elijahli hānga, “O Varewui mi, iwuitungli khi makhamayā leihaokhala? Iwui morei phaningung khavai, kala iwui nao thikhavai kharāla!”

2 WUNGNAOBING 3:13

Israelwui awungali Elishana hānga, “Navā eina nava̱wui marānbingli vālu. Iwuili khi rāsākhala?” Kha Israel awungana hānga, “Maningmana, wungnao kathum hili Moabwui pāngli horsangmi khavai Prohona hokakhuina.”

2 THOTRINCHĀN 35:21

Kha ana paophungme chihovāda hānga, “Judahwui awunga, ini akha eina akha khi rai sākhavai leikhala? Ina aja zimik nali ngararkida kharā maningmana, kha Varena iwui yangkasheli thaklāk eina angararlu kajiwui vang ali ngararkida kazatna. Ili ngasokhame Vareli khangasung thahaolu, ana nali shimān ngasakpaishina.”

JOEL 3:4

“O Tyre, Sidon kala Philistinewui ramrei saikorali khaleibing! Khikhakhawui vang nathumna ili athut kakhuila? Nathumna chithāra jiakha ina ngalāngda thaklāk eina athut khuida nathumwuitungli tāra.

MATTHEW 4:3

Chieina chipeena ali rāsuida hānga, “Na Varewui Naomayarana jiakha ngalunggui hi khamui onkhavai kasolu.”

MATTHEW 8:30

Atam chitharan athumwui eina katāda hok ashangva̱ akha phāzāzatta leisai.

MARK 1:24

Ana “Nazarethwui Jishu, nana ithumli khi sāki kajikhala? Ithumli shimān ngasak khavai kharāla? Na khipākhala da ina thei, na Varewui tharkhamathengana” da vaowa.

MARK 3:11

Kala makathar manglā kazangbingna ali kathathei apam kachida apheizingli ngakhumzangda “Na Varewui Naomayarana” da vaowa.

MARK 5:7

kala panglāk eina vaoda hānga, “Reikhamataiya Varewui Naomayara Jishu, nana ili khi sāki kajikhala? Varewui mingli kapona kaja ili marekharekmialu.”

LUKE 4:34

“He Nazarethwui Jishu! nana ithumli khi sāki kajikhala? Ithumli shimān ngasak khavai kharāla? Na khipākhala da ithumna thei; na Varewui Tharkhamathengpā china.”

LUKE 4:41

Mi kachungkhawui eina chipeebing china “Na Varewui naomayarana” da panglāk eina vaolaga yāmshoka. Kha ana athumli khararda tuila mamatui ngasakmana, khiwui vangkhala kaja athumna a Khrista china da theihaowa.

LUKE 8:28

Ana Jishuli kathei eina vaolaga awui mangāchangli ngakhumshām eina panglāk eina hānga, “Reikhamataia Varewui Naomayara Jishu, nana ili khi sāki kajikhala? Ili marekharekmialu.”

JOHN 2:4

Chieina Jishuna hānga, “Ina khi sangayikhala kaji nana mahangphalungki kajina, iwui atam marāranga.”

OTSAK 16:17

Ana Paul eina ithumwui thi shurda panglāk eina, “Huikhamiwui tuipong nathumli vaomalānkhame mibing hi Juikhamataiya Varewui raobingna” da vaopama.

JAMES 2:19

Vare hi akhamānga da nathumna shitsanga. Chi phālakhaira. Chipeela chithada shitsanga kala ngacheelaka.

2 PETER 2:4

Kaja morei sāhaikha kazingraobingli eina tangda Varena yangkhei kahai maleimana, athumli kazeiramli haida bichartam marāranglakha eina tangda tangmangting kahaipamli tuknarhaiakha,

JUDE 1:6

Kazingraobingna athumwui pangshap chi shichinnguihaida athumwui pam chiho kahaiwui vang, khanaowa zimiksho chi marāranglakha eina tangda Varena katang makhavai marikhānghui eina khalaplaga tangkhamangli haira, chi phaningung ngasakngai.

WUNGVA̱-WUNGVĀ 11:12

Chieina Jepthana Ammonnaobingwui awungali paome chihovāda hānga, “Ina khi sāhaoda iwui ngalei khuikhavai rākhangararkhala?”