MATTHEW 8:22 - Kathara Bible (BSI)

²² Kha Jishuna ali hānga, “Ithi shurlu, kathena athum khalattawui kathi chifa khavai haihaolu.”

MATTHEW 8:22 Iomraidhean Croise

1 WUNGNAOBING 19:20

Chieina awui sei horhaida Elijahli shurvāda hānga, “Ishāvā eina ishāva̱li mai ungngasunkhuiga, laga nali shurnaoga.” Ana hānga, “Ungkhalailu, ina nali khi sāhaokhala?”

MATTHEW 8:21

Khangatei sākhangatha̱ akhana ali hānga, “Amei, rida ishāvāli ungchifahaifaga.”

MATTHEW 9:9

Jishuna apam chiwui eina zathaowa kala shongfali zatmamānda leilakha khāshinā khaloka, Matthew kahopā chi khāshinā khuikhavaipamli pamkasā chi thei. Jishuna ali, “Ithi shurlu” da hānga. Chieina Matthewna ngakarthuida athi shurthuwa.

MARK 2:14

Ana zatvāmamān kaji eina Alphaeuswui naomayara Levi khāshinā khalokpamli pamkasa theida ali hānga, “Ithi shurlu.” Chieina ana ngakarthuida athi shurthuwa.

LUKE 15:24

kaja inaomayara hi thihairasai, kha ringluihaira; shimānhairasai, kha ara samphangluihaira.’ Chi eina athumna shaohāhā mana̱da ringkaphā eina phāshak phazāruma.

LUKE 15:32

Kha hiya mathānda ringphārum ngayilak kahaina, kaja nagato hi thihairasai, ringluihaira; shimānhairasai, kha samphangluishithaira.’”

LUKE 9:59

Khangatei akhali ana hānga, “Ithi shurlu.” Kha ana ngahānkai, “Proho, rida ishāvāli ungchifahaifaga.”

LUKE 9:60

Kha ana ali hānga, “Kathina athum khalattawui kathili chifaranu; kha nawui vanga, vāda Vare wungram chi vaomalānlu.”

JOHN 1:43

Akhama kathā Jishuna Galileeli vākhavai ngarāna, kala ana Philipli samphangda hānga, “Ithi shurlu.”

JOHN 21:19

(Jishuna kahāng hi Peterna kachikathā mithit eina Vareli tekmatei ngasakrakhala kaji kachitheina). Chiwui thili Jishuna ali hānga, “Ithi shurlu.”

JOHN 21:22

Jishuna ngahānkai, “I marāranglakha eina tangda ina ali leisa ngasakngai jilala, china nali khi saura? Ithi shurmalu.”

EPHESIANAO 2:1

Kharekachāng kahāng makhanganāwui vang kala morei kasāwui vang nathum manglārinli thida leisai.

EPHESIANAO 2:5

chiya kahāng manganāmada manglārinli thikasāwui eina Khristali ngasoda ithumli ana ringngasakmi. Awui lukhamashana nathumli huimi.

EPHESIANAO 5:14

kaja kachikathā ot chi mathingrik eina phongkashok tharan theipaiserhaowa. Chiwui vang hithada hānga. “Ngakarthuilu, he kape, kathiwui eina ngakarthuilu, Khristana nawuitungli hormira.”

COLOSSIANAO 2:13

Moreiwui vang kala ain makhangavā miyur ngasāsāhaoda nathum atam akhali manglāwui pongli thida leisai. Kha ara nathumli Varena Khristawui mangā eina ringngasakhaira kala ithumwui morei saikorala pheomihaira.

1 TIMOTHY 5:6

Kha akhalatta ringphā khavai kasāva̱ a chiya ringlala kathina.