MATTHEW 8:20 - Kathara Bible (BSI)

²⁰ Chieina Jishuna ali hānga, “Ramfawui akhurla lei, khamasaili yongkazata vānaobingwui athipla lei, kha miwui Naomyarawui ngayaizangda ngasāmkhui khavai apam akhala maleimana.”

MATTHEW 8:20 Iomraidhean Croise

LAA 104:12

Chibingna khamasaiwui vānaobing pamkhavai samphang ngasaka; athumna thingphānglungli laa sai.

LAA 104:17

Chiwui alungli vānaobingna athumwui athip sai; vārokna matangrongli shim sai.

LAA 109:22

Kaja iya khangazana khavātana, iwui wuklungli ining khanangnāhaira.

LAA 40:17

Iya, kachāma kala khavātana; kha Prohona iwui vang phaningmi, Na iwui huikhame, kala ngachonkhamena; O iwui Vare, mahui nganongalu!

LAA 69:29

Kha iva saza̱haida ngasheida lei; O Vare, nawui huikhami china ili kajuitungli haimiranu!

LAA 84:3

Konghinao eina tangdala athip samphanga, kala yāngyaola khalattawui athip lei, chili anaobing sha̱khui, nawui hanphutpamli, O saikorawui Proho, iwui Awunga kala iwui Vare.

DANIEL 7:13

Ngayāshong mahākhami chili ina thei, kala yanglu, kazingramwui muiyāli ngasoda, miwui naomayara thāda akha kharā thei, kala ana Ringching kaje chiwuili rai, kala awui mangāli anganinga.

MATTHEW 12:32

Kala iwui Naomayarali makhamayā tui khamatuia chilila pheomira; kha Manglāli Katharali makhamayā tui khamatuia chili thot hilila kala rākharā thotlila mapheomimara.

MATTHEW 12:40

Kaja Jonahna ngashun ngayā kathumthang khaihwui wuklungli kapam chithada miwui Naomayarala ngashun ngayā kathumthang ngaleilungli pamra.

MATTHEW 12:8

Khikhalajila miwui Naomayarana Sabbathwui Prohona.”

MATTHEW 13:37

Jishuna ngahānkai, “Athā khamathā khayaoa chi miwui Naomayarana.

MATTHEW 16:13

Jishuna Caesarea Philippiwui ngaleili vākazang tharan awui sākhangatha̱bingli ngahānna, “Miwui Naomayarali mibingna khipāna da hāngkhala?”

MATTHEW 16:27

Khikhalajila miwui Naomayarana awui kazingraobingli ngasoda Avāwui tekhamatei eina rāki kajina, kala chiwui thili mi kachiva̱li kachichāna sākahai chiwui athishurda ana runmira.

MATTHEW 17:9

Athumna phungreiwui eina katā tharan Jishuna athumli, “Miwui Naomayarana kathiwui eina maringshokranglakha eina tangda khamahā hi khipālikha mahāngalu” da ningmi.

MATTHEW 19:28

Jishuna athumli hānga, “Kachangkhat eina ina nathumli kahāngna, kadhara oathuili, miwui Naomayarana awui tekhamatei wungpamkhongli kapam tharan, ithi kashura nathumla wungpamkhong tharada khanili pamda Israel shang tharāda khanili bichar sāra.

MARK 8:38

Vareli makathei makaphā thot hili kachikathāna iwui kala iwui tuiwui vang khayakakha, miwui Naomayarana Avāwui tekhamatei eina kazingraobingli ngasoda kharā tharan awui vangla khayakhaora.”

LUKE 12:8

“Ina nathumli kahāngna, kachikathāna ili mibingwui mangāli phongshar eina hāngphatakha, miwui Naomayaranala ali Varewui kazingraobingwui mangāli phongshar eina hāngphatra,

LUKE 18:8

Ina nathumli kahāngna, ana thaklāk eina mashun bichar sāmira. Chithāmāngmada miwui Naomayarana rāthanghon shitkasanga mi okathui hili leisaralā?”

LUKE 2:12

Hina nathumwui vang machut akha ngasāra kaja nathumna angangnao akha naokhalui eina khaluilaga sigui khongsaili chipet kahai samphangra.”

LUKE 2:16

Chieina athumna thaklāk eina vāda Mary eina Joseph kala sigui khongsaili chipet kahai angangnao chili vāsamphanga.

LUKE 2:7

Kala awui naochizai mayarnao akha pharai kala ali naokhalui eina khaluilaga sigui khongsaili chipethai, khiwui vangkhala kaja kha̱ chili ani shimzun mangarinthuwa.

LUKE 21:36

Kha atam kachida ningngasharlu kaja rashokki kaji ot saikora hiwui eina yāmshokshap khavai kala miwui Naomayarawui mangāli nganingshap khavai seihā sāchinglu.”

LUKE 8:3

Herodwui lanse Chuzawui preiva̱ Joanna kala Susanna kala athum khalattawui lan khuishokta ngachonkhame sha̱nao kachungkhala ngayurzatsai.

LUKE 9:58

Chieina Jishuna ali hānga, “Ramfala akhur lei, khamasaili yongkazata vānaobingla athip lei, kha miwui Naomayarava ngayaizangda ngasāmkhui khavaipam akhala maleimana.”

JOHN 1:51

Kala Jishuna athumli hānga, “Kachangkhat eina ina nathumli kahāngna, nathumna kazingram shokahai theira, kala Varewui kazingraobingna miwui Naomayarawuitungli kakā katung theira.”

JOHN 12:34

Yaruina ngahānluishita, “Ithumwui ainli Khrista mathilakmara da hanghai. Kathada miwui Naomayarali khangkāra da hāngpaira? Miwui Naomayara hi khipākhala?”

JOHN 13:31

Judas thuikahaiwui thili Jishuna hānga, “Ara miwui Naomayarawui tekhamatei phonghaira, kala awui eina Varewui tekhamatei phonghaira.

JOHN 3:13

Kazingramwui eina katā miwui Naomayara chi maningla khipākha kazingram kākahai maleimana.”

JOHN 3:14

Mosesna lamhāngli phara̱li khāngkakā chithada miwui Naomayaralila khāngkāphalungra.

JOHN 6:27

Shimānki kaji kashakazāwui vang ngalang mazāralu, kha miwui Naomayarana nathumli miki kaji katang makhavai kharinga kashakazāwui vang ngalangzarlu, kachiwui vangkhala kaja Varena awui mayākhamiwui mahor ali nammihaira.”

JOHN 6:53

Chieina Jishuna athumli hānga, “Kachangkhat eina ina nathumli kahāngna, miwui Naomayarawui asā mashaiakha kala ashee mamangakha nathumwuili kharing kaho maleimana.

JOHN 6:62

Nathumna miwui Naomayarana rida ana pamkasā awui apamli kāluishit kaji theisi kaja khi phaningra?

OTSAK 7:56

ana hānga, “Yanglu, kazingram shohaida miwui Naomayarana Varewui yāshong nganingda khalei ina thei.”

2 CORINTHNAO 8:9

Proho Jishu Khristawui lukhamashan nathumna thei; kaja ana shānglaklala nathumwui vang eina chāmhaowa; awui kachām chi eina nathum shāngkhavaina.