MATTHEW 8:15 - Kathara Bible (BSI)

¹⁵ Jishuna awui pāngli sākaza̱ eina kakharur chi raihaowa. Chieina ana ngakarthuida otram ngatha̱mi.

MATTHEW 8:15 Iomraidhean Croise

2 WUNGNAOBING 13:21

Thangkha mi akha chifakida leilakha, yanglu, ngaponkazatbingli theida kathi angun chi Elishawui chikhurli horsanghaowa; kala angun chi Elishawui ara̱kuili zangsāza̱khaleoda ringunglaga thuinganinghaowa.

ISAIAH 6:7

Kala ana ikhamorli sāza̱da hānga: “Yanglu, hina namorchaili saza̱haira; kala nawui khayon khuithuimihaira, kala nawui morei pheomihaira.”

MATTHEW 14:36

kala athumna kakazānaobingli awui chontheira̱mānglila sāza̱khui khavai poi kala chili sāza̱kakhui saikora kharai samphanga.

MATTHEW 20:34

Chieina Jishuna lukhamashan eina aniwui mikli sāza̱ya kala ngalāngda mik kathei samphangda anina athi shurthuihaowa.

MATTHEW 8:14

Jishuna Peterwui shimli akazang tharan Petershi aniva̱ kharurda pikasā thei.

MATTHEW 8:16

Chithang ngazin kameo kazanga mi kachungkha awuili khuirai kala ana tuikhurnao akha eina kameobing chi kashamshokserhaowa, kala kakazā saikora raimisera.

MATTHEW 8:3

Chieina Jishuna awui pāng katingvāda ali saza̱da hānga, “Ina sāmilakra, tharchaohaolu.” Ngalāngda awui khangaphār chi tharhaowa.

MATTHEW 9:20

Kala yanglu, zingkum tharāda khani ashee ngaya̱ kahai sha̱nao akhana awui khanukshong rāda awui kachonmareili sāza̱ya,

MATTHEW 9:29

Chieina ana aniwui mikli sāza̱da hānga, “Naniwui shitkasang athishurda shokranu.”

MARK 1:29

Chiwui thili ana James eina Johnli ngasoda Synagoguewui eina shoklaga Simon eina Andrewwui shimli vai.

MARK 1:41

Jishuna lumashanhaida apāng katingvai kala saza̱da, “Ina phaningmilakra, tharchaohaolu.” da hānga.

LUKE 8:54

Kha ana awui pāng singkhuida hānga, “Inao ngalāva̱, ngakarthuilu.”