MATTHEW 8:11 - Kathara Bible (BSI)

¹¹ Ina nathumli kahāngna, mi kachungkha zingsho zingtunwui eina rāda kazing wungramli Abraham, Isaac kala Jacobli phazārumra,

MATTHEW 8:11 Iomraidhean Croise

HAOKAPHOK 12:3

Nali kasobingli inala sora, nali khonkashe chili inala khonshira kala okathui shimkhur hupta nawui mangā eina sokhami ngasāra.

HAOKAPHOK 22:18

Kala nawui ara̱-azāwui mangā eina okathuiwui miyur saikora sokhami ngasāra, kaja nana iwui kahāng nganai.”

HAOKAPHOK 28:14

nawui ara̱-azā okathuiwui chifayākhara, kala nathumna zingtunshong kala zingshoshong kala atungshong eina azingshong vāpeira; kala na eina nawui ara̱-azāwui eina okathuiwui shimkhur saikorali sokhami ngasā ngasakra.

HAOKAPHOK 49:10

Wungnao khānthing Judahwui eina mathuimara, lah khamungawui khāmshui apheiwui eina mathuimara, singkhangaye chi marāranglakha; kala mibingna ali khayāshira.

LAA 22:27

Okathui akatang saikorana Proholi phaningungda ngareiungra; kala yur kachiva̱wui shimkhurna awui mangāli khorumra.

LAA 98:3

Israel shimkhurli awui makhangachei leikashi, kala ningkatong phaningungmihaira. Ithumwui Varena khayui okathui akatang saikorana theihaira.

ISAIAH 11:10

Chitharan yurbingwui machut khavai Jessewui angayungna thuinganingra; miyurbingna ali phāra, kala awui pamkhavaibing tekmateishunra.

ISAIAH 49:12

Yanglu, iwui mibing katāva̱wui eina rāra, atung kala zingtunshongwui eina, kala hibing Syenne lamwui eina rāra.”

ISAIAH 49:6

ana hānga: “Jacobwui shangbing nganaokhui khavai, Israelwui phāri kahaili khāngmathot khavai, nana iwui rao sāki kaji hi ngavenglak kahai otna; ina nali kahor akha sākhavai yurbingli mira, chieina iwui huikhami okathui akatang eina tangda vāshungra.”

ISAIAH 52:10

Prohona awui tharkhamatheng pāngthei, miyur saikorawui miktāli chitheimihaira; kala okathuiwui akatang saikorana ithum Varewui huikhami chi theira.

ISAIAH 59:19

Chithāda zingtunshongwui eina Prohowui mingli ngacheera, zingshoshongwui eina awui tekhamateili; kaja Prohowui masina phankazat kongrāwui tara̱ thāda ana rāra.

JEREMIAH 16:19

O Proho, iwui pangshapa kala iwui ngayin khavaipam, kakhanang atamli iwui ngayin khavaipam, okathui vākatangwui eina yur kachiva̱na nali rāhāngra: “Ishāvā ngarāna kakapik maningla khangatei akhala mamathuisanghaimana, makankhanā tongkazā makhalei otmānga.

DANIEL 2:44

Chitharan atungshongwui Varena khangazipa wungram akha sākara, kala chiwui sākashap vākashap pangshap chi yur khangateili mahorsangmimara. China wungram saikora sākathānhaora, kala chiya leichingra;

MALACHI 1:11

Khikhalajila zimik kashok eina thuilaga katun eina tangda yurbingwui ngachaili iwui ming hakkhamahāna, kala apam kachida nganamkaphā thao chi iwui mingli chigata, kala kathara kachigat mi; khikhalajila yurbingwui ngachaili iwui ming hakkhamahāna da saikorawui Prohona hānga.

MATTHEW 21:41

Athumna ngahānkai, “Ana makaphābing chili sāthatserhaora kala yāmgui chi athei khamathei atamli tāzak eina awui sharuk miki kajebingli masāvā ngasakra.”

MATTHEW 24:31

kala kapanga talla̱khon eina ngasoda ana awui kazingraobingli chihoshokra kala athumna awui kapangkakhui mibingli achikun matiwui eina, kazingram akatang akhawui eina akatang akhali vāshungda khaleibingli kazipkhuira.

MATTHEW 3:2

“Ningngateilu, kaja kazing wungram nganaishunhaira.”

MATTHEW 8:10

Jishuna chi kashā eina matakhakhaida athi kashurabingli hānga, “Kachangkhat eina ina nathumli kahāngna, Israelnaobingwui alungli ina hikathā shitkasang masamphanglakmana.

LUKE 12:37

Akhavāna latkhaung tharan ningkharikta honpamkasā raobing ka̱lā mahai; kachangkhat ina nathumli kahāngna, ana shāneira̱ neikhuilaga athumli tableli pamngasakra, kala rāda sheba samira.

LUKE 16:22

“Khaleilaga kachāma chi thihaowa kala kazingraobingna ali Abrahamwui makāli khuikai. Kashānga chila thihaida chifahaowa;

OTSAK 10:45

Peterli ngasokharā ahui rimkashokbingwui eina shitkasang Jihudibing chi matakhakhaowa, kaja Varena Gentilebinglila Manglā Katharawui lemmet tāshungmi.

OTSAK 11:18

Athumna hi kashā eina athumwui khayetla thāhaowa kala athumna Vareli masotchitkatta hānga, “Chithākha Gentilela ningngateikhuida kharing samphang khavai Varena mayāmihaira.”

OTSAK 14:22

Anina shitkasangabingli pangsang ngasaka kala khamashunga shitkasang chili mangacheilakla leiching khavai kasatsanga, kala “Vare wungramli zangkida ithumna kachotkachāng kachungkha phungphalungra” da tamchithei.

OTSAK 14:27

Anina Antioch ungkashung eina Churchwui mibingli kaziprumda Varena anili shichinlaga kathada sāmamei kala kathada Gentilebingna shitsang khavai khāmong shomikhala kaji athumli hāngchithei.

1 CORINTHNAO 15:20

Kha makhangapata tui chiya Khristali kathiwui eina ringshok ngasakhaira kaji hi kathebingna ringluishitra kajiwui ning nganung khangasakna.

1 CORINTHNAO 6:9

Makaphā-makhayābingna Vare wungramli mazangmara da nathum matheimalā? Matheinguihaialu, shāmkasābing, ama̱li kapha̱bing, phokaphābing, mayarnao eina mayarnao, sha̱nao eina sha̱nao phasā khangasobing,

EPHESIANAO 3:6

Ngathum kahai tui chi hina; paokaphāwui mangā eina Gentilebingna Varewui sokhami chi Jihudibingli ngarumda samphanga kala shimluikatruma sāda Khrista Jishuwui mingli ngashitmi kahai chi samphangrumra.

COLOSSIANAO 3:11

Hithada sāda Gentilebing eina Jihudibing, ahui rimkashok eina marimkashokbing, makākashunga Scythianaobing kala raonao eina ningkhān kahaibing khangatei maleiluimana, kha saikorali khalei Khrista hi tongtingana, Khrista saikorali lei.

2 THESSALONICANAO 1:5

Saikora hina Varewui bichar hi khamashungana kaji chithei kala nathumna samphangda khalei kachotkachāngwui athei sāda Vare wungramli zangkhangayena da shānkhuira.

PHONGKHAMI 7:6

Ashershi thingtharāda khani, Naphtalishi thingtharāda khani; Manassehshi thingtharāda khani,