MATTHEW 7:7 - Kathara Bible (BSI)

⁷ “Polu, nali mira; phālu, nana samphangra; shaolu, nali shomira.

MATTHEW 7:7 Iomraidhean Croise

HAOKAPHOK 26:32

Chithang Isaacwui raobingna ra̱khong akha khonlaga “Tara̱ samphanghaira” da unghānga.

1 WUNGNAOBING 3:5

Gibeonli leilakha ngayāshong, mangshongli Prohona Solomonli rāchithei; kala Varena hithāda hānga, “Nali khi milu jikhala polu.”

LAA 10:17

O Proho, malungkhanimawui ningkachāng chi nana shāmira; athumwui wuklung nana pingngasakra, nana nāshungmira,

LAA 10:4

Makaphā china awui langkasowui vang Vareli maphāmana, awui kaphaning saikorali “Vare maleimana” kaji mānga.

LAA 119:12

O Proho, nali soranu; ili nawui ain tamchitheimilu.

LAA 27:8

“Ili phalu” da nana hānga. Iningna, “Proho, ina phali” da nali hānga.

LAA 34:4

Ina Proholi phāda ana ngahānkāmi, kala khangachee saikorawui eina ili kanshokmi.

LAA 37:4

Proholi ningyāng unglu, chithākha ana nawui ningkachāng mira.

LAA 50:15

kala kakhanang atamli ili ngakaolu; Ina nathumli kanshokmira, nathumna ili tekmatei ngasakra.”

LAA 69:32

Rekkakharek samkaphanga china theida mathānranu; Vareli kaphā nathum, nathumwui wuklung china ning mathukranu.

LAA 70:4

Nali kharā hupva̱li mathānda ringphāranu. Nawui huikhamili ningkashi saikorana “Vare kayākha reimataikhala” da hāngchingranu.

LAA 86:5

Kaja nava, O Proho, kaphā kala pheokhamena nali khangakaobingli makhangachei leikashi pemting eina mi.

CHĀNSAM 8:17

Ili leikashibing chili ina leishi, kala ili ningsanglak eina kaphābingna ili samphanga.

SOLOMONWUI LAA 3:2

“I ara ngakarthuiura kala keinungli, chanreili kala shongrāli imanglāna leikashe ali phāvāra.” Ina ali phai, kha ali masamphangmana.

ISAIAH 30:19

Mah Jerusalemli kapam, O Zionli khalei mibing; nathum machapluimara, nathumwui ringkhangā akhon chili ana lumashanmilakra; shākhaleoda ana ngahānkāmira.

JEREMIAH 33:3

“Ili ngakaolu ina ngahānkāra, nathumna makathei thum kahai kachungkha hāngmira.

AMOS 5:4

Kaja Israelwui shimkhurli Prohona hithāda hānga, “Ili phāda ringtha̱lu;

MATTHEW 18:19

Ina nathumli hāngluishitli, nathumwui ngachaili mi khanina kachikatha akha kapo chi okathuili mayā ngarokakha, kapo chi kazingramli khalei iwui Avāna mira.

MATTHEW 21:22

Nathumna shitsangakha seihā sāda kapopo saikora samphangsera.”

MATTHEW 6:33

Kha rimeikapta, nathumna Varewui wungram kala awui khamashung khangarong chi phārifalu, chithākha saikora hi nathumli ngarumsangmira.

MATTHEW 7:11

Nathum maphāsālala nathumwui naongarāli khamathā ot mitheiakha, kazingramli khaleia nathumwui Avāna ali kapobingli kayākha mataimeida mirakhala?

MATTHEW 7:8

Kaja kapo mi kachiva̱na samphangra kala kaphā mi china samphangra kala kashaoalila shomira.

MARK 11:24

Chiwui vang eina ina nathumli kahāngna seihā kasāli nathumna kapopo chi samphanghaira da shitsanglu, kala chi nathumwui ngasāra.

LUKE 13:25

Shimva̱na ngakarthuilaga akhashida khamong ta̱kkahai tharan nathumna kayāngli nganingda khamong kakunglaga, ‘Amei, ithumli shomilu’ da hāngra. Chieina ana nathumli ‘Nathum kachiwui eina kharākhala, I matheimana’ da ngahānkāra.

LUKE 18:1

Jishuna athumli atam kachida seihā sāching khavai kala ning masuitā khavai chānjam akha hāngchithei.

JOHN 15:16

Nathumna ili kapangkakhui maningmana, kha vāda athei mathei khavai kala athei chi mashimān khavai ina nathumli kapangkakhuina kala kachipamna; chieina nathumna iming singda kapo saikora Avāna mira.

JOHN 15:7

Nathumna ili zangda iwui tuila nathumli leiakha, nathumna ningkachāng kapopo chi samphangra.

JOHN 4:10

Jishuna ali ngahānkai, “Nana Varewui lemmet chi theisāsi kaja kala ‘Ili tara̱ khamimanglu’ da kapopa hi khipākhala da theisi kaja nana ali poda ana nali kharinga tara̱ chi mihaira̱ra.”

ROMNAO 2:7

Mi kaikhava kaphā ot sāchingda lei, kathi makhavai kharing phai; athumli Varena katang makhavai kharing mira.

ROMNAO 3:11

theishingkakhui khipākha maleimana lah Vareli kaphā khipākha maleimana.

HEBREWNAO 11:6

Shitkasang maleila khipānakha Vareli ningyāng maung ngasakrarmana. Vareli kharā mi chiya Vare lei kala ali kaphā mili sāman mira kaji shitkasang leiphalungra.

JAMES 5:15

china kakazā mi chili kanmida Prohona ali ngakarthui ngasakra kala ana morei sākahai chila pheomira.

1 JOHN 3:22

Awui kahāng nganāda ali ningyāng ungkhangasakwui vang ithumna kapopo chi awui eina samphanga.