MATTHEW 7:28 - Kathara Bible (BSI)

²⁸ Jishuna hibing hi hāngser kahaiwui thili awui tamkachithei chi theilaga yarui saikora matakhakhaowa.

MATTHEW 7:28 Iomraidhean Croise

LAA 45:2

Mibingwui nao ngachaili na mathāmeithuiya, namorchaili lukhamashan heirora, chiwui vang Varena nali mashimānda somi.

MATTHEW 11:1

Jishuna awui sākhangatha̱ tharāda khanili hāngchitheihailaga, ana athumwui keinungbingli tamchithei khavai kala pao hāshok khavai apam chiwui eina zatthuwa.

MATTHEW 19:1

Jishuna tui hi hāngchitheichamhailaga Galileewui eina thuihaowa kala Jordan kong kānlaga Judea ngaleili vāzanga,

MATTHEW 22:33

Mi kachungkhana chi shāda awui tamkachithei chili matakhakhaowa.

MATTHEW 26:1

Jishuna tui saikora chi hāngkup kahaiwui thili awui sākhangatha̱bingli hānga,

MATTHEW 7:27

Kazing roda tara̱ phonga kala masina shim chili ungphankaza̱ eina shim chi ja̱tāhaowa.”

MATTHEW 7:29

Kaja ain kathembingna tamkachithei mathāla ana sāshap-pangshap eina tamchithei.

MARK 1:22

Awui tamkachithei shālaga athum matakhakhai, kaja ain kathembing thada matamchitheila, sāshap pangshap akhavā akha thada tamchithei.

MARK 11:18

Pāngmon akhokabing eina ain kathemabingna chi shālaga ali shaothat khavai apong phai; kala mi kachungkha china awui tamkachithei matakhak kahaiwui vang athumla ali ngacheehaowa.

MARK 6:2

Kala Sabbaththang ana synagogueli tamchitheiphokuwa; kala awui tui nganākakhui mi kachungkhana matakhakhaida hāngngaroka, “Ana saikora hi kachili atamkhui khala? Ali mikahai hi khi thangmeikhala? Apāngna kayakha hakhamahā ot sashapkhala!

LUKE 19:48

Thālala apong akhala masamphangthuwa kaja mi saikorana awui tamkachithei chi ningsanglak eina nganāngaichinghaowa.

LUKE 2:47

Awui theishingkakhui kala ngahānkakā kashā mi saikorana matakhakhai.

LUKE 4:22

Mi saikorana sosera kala awui khamor eina lukhamashan tui kashok chi shālaga matakhakhaida hānga, “Hi Josephwui naomayara chi maningmalā?”

LUKE 4:32

Athumna awui tamkachithei chili matakhakhaowa, kaja ana sāshap pangshap eina matui.

LUKE 7:1

Mibingli hāngki kaji hāngkup kahaiwui thili Jishuna Capernaumli vai.

JOHN 7:15

Jihudiwui akhavābingna matakhakhaida hānga, “Mipa hi lairik matamlakla kathada hiyākha theihaokhala?”

JOHN 7:46

Mibing china ngahānkai, “Mipā hina khamatui thada khipānakha mamatuilakmana!”