MATTHEW 7:22 - Kathara Bible (BSI)

²² Chithanghon mi kachungkhana ili ‘Proho, Proho, ithumna nawui sāshap-pangshap chieina mamarānmala? Kala nawui pangshap eina kameo makashamshokmala? Nawui sāshap-pangshap chiwui alungli ithumna matakhak kahai tarākha masāmala?’ da hāngra.

MATTHEW 7:22 Iomraidhean Croise

ISAIAH 2:11

Mibingwui ngamsor kahai mikyanli nemngasakra, mibingwui langkasoli maishi ngasakra; chithanghon Prohomāngli masot mira.

ISAIAH 2:17

Hiksor kahai mili maishi ngasakra, miwui langkaso ning nemta ngasakra; chithang Prohomāngli masot mira.

MISHĀN 24:4

Varewui tui khanganāpāwui marān tuina, Reikhamataiyana rāmahā khamina, konglui zanglala awui mik makafamana.

MISHĀN 31:8

Midiannaowui awungabing kala khangateibingli ngasoda shaothathaowa; awungabing chiya, Evi, Rekem, Zur, Hur, kala Reba athum phangāna; Beorwui nao Balaamlila raighai eina sāthathaowa.

MATTHEW 10:15

Ina nathumli kachangkhat kahāngna, bichar sāthanghon Sodom eina Gomarrahwui mibingli bichar kasāliva chikathā keinungwui mibingli bichar kasāna sakmeira.

MATTHEW 24:36

“Kha zimiksho eina pung chi khipanakha matheimana, kazingramli khalei kazingraobing eina tangdala, kala Anaomayarala matheimana, Avāmāngna thei.

MATTHEW 25:11

“Khaleilaga khangatei ngalāva̱bing chila rāda, ‘Amei, Amei, ithumlila kashomilu’ da hānga.

MATTHEW 7:21

“Ili, ‘Proho, Proho’ da khangakaoa mi kachiva̱ kazing wungramli zangki kaji maningmana, kha kazingramli khaleia iwui Avāwui kaphaning kasaa china zangra.

LUKE 10:12

Ina nathumli kahāngna, chithanghon, keinung chiliva Sodomna khāngpaimeira.

JOHN 11:51

Kachangkhat hi awui ning eina kahāng maningmana, kha chikum ana Pāngmon Kharei sāsāhaoda Jihudi yurwui vang Jishuna thimira kaji hāngkhamarānna.

1 THESSALONICANAO 5:4

Kha ivānaobing, nathum tangkhamangli maleimana, chiwui vang eina Prohowui latkharā Zimiksho chi khale thada kashuirak eina rālala matakhak kahai masālu.

2 THESSALONICANAO 1:10

Ana rāthanghon shitkasangbingna ali tekmatei ngasakra kala maiyā ngasakra. Nathumla chili zangra, khiwui vangkhala jilaga ithumna tamchithei kahai paokaphā chili nathumna shitsanghaowa.

2 TIMOTHY 1:12

Chiwui vang eina ina kakhanang ringkashi hi samkaphangna. Kaja ina khipāli shitsanghairakhala kaji nathumna thei, kala zimiksho chi maungshungranglakha eina tangda ana ili chisin kahai chi ana mayonmishapa da ina theishingkhuihaira.

2 TIMOTHY 1:18

Khanaowa zimiksholi Prohowui phaningkhami awuitungli tāshungmiranu. Ephesusli leilakha ana iwui vang kayākha samikhala kaji nanala katheina.

2 TIMOTHY 4:8

Chithang Zimiksho khangaronga mashunwona, imāngli maningla kha leikashi eina ngasoda ali khangaraibing saikorali miki kaji khamashung khangarongwui wungkuihon china ili ngaraili.