MATTHEW 7:19 - Kathara Bible (BSI)

¹⁹ Khamathā athei makhamathei thingrong kachiva̱ ta̱teklaga meilungli horsanghaora.

MATTHEW 7:19 Iomraidhean Croise

ISAIAH 27:11

Thingphāng thengkahai eina tektāserhaowa; sha̱naobingna rāda chieina mei sai. Kaja hi mashun-makhui makathei miyurna, chiwui vang eina athumli kasāpānala athumli malumashanmara, athumli semkakhuiana athumli ngahankhangaila maleimara.

DANIEL 4:14

Ana panglāk eina vaoda hānga, ‘Thingrong chi ta̱teklaga aphāng thapserhaolu,’ anahla thaplaga athei katonga herkathānhaolu; sāyurbing khaya̱li mapamluiaranu, vānaobingla aphāngwui eina yāmhaoranu.

MATTHEW 3:10

Aruila thingrongbingwui angayungli ngahā parhaida lei. Chieina athei khamathā makhamathei thingrong kachiva̱ ta̱teklaga meilungli horsanghaora.

MATTHEW 7:18

Khamathā thingrongna zakkashi athei mamatheipaimana, lah zakkashi thingrongna khamathā athei mamatheipaimana.

LUKE 3:9

Arui eina tangda thingngayungli ngahā parhaida lei, chiwui vang eina athei khamathā makhamathei thingrong kachiva̱ ta̱teklaga meilungli horsanghaora.”

TITUS 3:14

Kachangkhat darkar khalei chi mishap khavai ithumwui mibingna kaphā ot kasāli ngalang chigathei khavai tamkhuiphalungra kala aremawui mirin maringphalungmara.

HEBREWNAO 6:8

Kha ka̱shāt eina khawomāng kaphor ngalei chi kānkhanā maleimana; chili Varena khonshikapaiwui kalāshāt lei kala mei eina shimān ngasakra.

JUDE 1:12

Athumwui khamarip china ngarumsakwui morsonli nathumli maishi ngasakta hamak neokhami kathāna. Athumna athum khalattawui vangmāng phaninga. Athum chi zingrot makazang muiyā masina phankazat kathāna. Athum chi māthei kachāng eina tangda athei makhamathei kala angayung phurshoklaga thichao kahai thingrong kathāna.