MATTHEW 7:14 - Kathara Bible (BSI)

¹⁴ Kharing mirinli thanvā khavai ngavei chiya masha̱laka, kala shongfa chi saklaka kala chi mi kateokhamāngna phākhuiya.

MATTHEW 7:14 Iomraidhean Croise

LAA 16:11

Nana ili kharinga apong chitheimi; nawui mangāli khamathān pemtinghai, nawui yāpangli katang makhavai ringkaphā lei.

CHĀNSAM 8:20

Khamashung khangarongwui apongli ina zata, mashun shongpongli,

ISAIAH 30:21

Khanukshong khamatui nathumwui khanāna shāra, “Hi khamashunga shongfa china, uivāk vālala, yāvāk vālala, chili zatlu.”

ISAIAH 35:8

Kala chili chānrei akha leira, chili kathara shongfa hora. Makathara yurna chili mazatpaimara, mangkhama̱bingna machonmakānpaimara.

ISAIAH 57:14

Kala hithāda hāngra, “Sakālu, sakālu, shongfa ngarānlu, iwui mibingwui shongfali makhārkaphin khalei saikora khuithuihaolu.”

JEREMIAH 6:16

Prohona hithāda hānga: “Shongfa ngalemli nganinglu, kala yanglu, kala achālakhawui shongfa khamathā ngahānkhuilu; kala chili zatlu kala namangla khangasām samphang khavai sālu.” Kha athumna, “Ithum chiwui alungli mazatlakmara!” da hānga.

MATTHEW 20:16

Chieina khanaowa china rira kala khare china naora.”

MATTHEW 22:14

Khikhalajila hokakhui kachungkhaya, kha kapang kakhui kateokhamanga.”

MATTHEW 7:13

“Khamasha̱ ngavei eina zanglu; khikhalajila shimān khavaiwui ngavei chi mashālaka kala shongfa chi zatphālaka, kala chi eina kazang mi chunglaka.

MATTHEW 7:15

“Minama marānbingli ngasharlu, athumna yaohui ngavaikhaninglaga rai, kha alungle athum sākakathān ramfa kathāna.

MARK 8:34

Kala ana yarui chi awui sākhangatha̱bingli ngasoda hokhuida hānga, “Kachikathā mina ithi shurga jiakha, a khalattawui ningkachāng horhailaga awui krush phungda ithi shurranu.

LUKE 12:32

“Mangacheealu, he kateowa ashangva̱ kaja wungram chi nathumli khami hi nathumwui Avāva̱wui ringkaphāna.

JOHN 16:2

Athumna nathumli synagoguewui eina kashamshokra; makahatla nathumli shaokathata china awui otsak chi Vareli otram khangatha̱na da kaphaning atam rāra.

JOHN 16:33

Ina nathumli hi hānghaira, iwuili nathumna chingri kahai samphangra. Okathuili nathumna kachotkachāng samphangra, kha ningai mathānlu, ina okathuili yuihaira!”

OTSAK 14:22

Anina shitkasangabingli pangsang ngasaka kala khamashunga shitkasang chili mangacheilakla leiching khavai kasatsanga, kala “Vare wungramli zangkida ithumna kachotkachāng kachungkha phungphalungra” da tamchithei.

ROMNAO 12:2

Okathuiwui khangachāli mangarumhaialu, kha nathumwui ning chi onchang onngasaklu. Chieina nathumna Varewui ningkachāng kaphā, ningyāng ungkapai kala kākashung chi khikhala da theipaira.

ROMNAO 9:32

Khisāda masamphangthu? Athumna shitkasang eina maphāla otsak eina phāhaowa. “Ngaphok khavai ngalunggui” chili athumna phei ngaphokhaowa.