MATTHEW 7:13 - Kathara Bible (BSI)

¹³ “Khamasha̱ ngavei eina zanglu; khikhalajila shimān khavaiwui ngavei chi mashālaka kala shongfa chi zatphālaka, kala chi eina kazang mi chunglaka.

MATTHEW 7:13 Iomraidhean Croise

HAOKAPHOK 6:12

Varena okathui hi theilaga, yanglu, makhaolak eina thei; kaja phasā khavai athum saikora kachichāwui ningkachāng athishurda zatsai.

HAOKAPHOK 6:5

Okathui alungli mikumowui makaphā sorngasai kahai kala makaphāmāng chukkhamaja katang makhavai chi Prohona thei.

CHĀNSAM 16:25

Mashungrik kahai thada miwui mangali apong akha lei, kha chiwui akatang chi kathiwui apongna.

CHĀNSAM 7:27

Awui shim Kathewui ramwui apongna, kathi ram vākhavai apongna.

CHĀNSAM 9:6

Ningkasham chihohaida okthuilu, kala theishingkakhuiwui apongli zatlu.”

ISAIAH 1:9

Ashangva̱wui Prohona ithum khani kathumli mataimihaisāsi kaja, Sodom kathā kala Gomorrah kathā ngasāhairara.

ISAIAH 35:8

Kala chili chānrei akha leira, chili kathara shongfa hora. Makathara yurna chili mazatpaimara, mangkhama̱bingna machonmakānpaimara.

ISAIAH 55:7

makhayā mina awui shongfa horhaida, kala makhamashunga mina awui kaphaning horhailaga; ana lumashanmipai khavai ithumwui Proho Vareli latungranu, kaja ana mavātlakla pheomira.

MATTHEW 23:13

“Ain kathemabing eina Phariseebing, phākakhaningabing! Nathumli kakhanang ringkashi ngasāranu, khikhalajila nathumna kazing wungramli zangki kajibingli shungnamda lei, kala nathum khalattala mazang lah zangki kajebingla mazang ngasakmana.

MATTHEW 25:41

“Chiwui thili awui uishong khaleibing chili ana hāngra, ‘Khonshi kahaibing, nathum iwui eina thuihaolu kala chipee eina awui kazingraobingwui vang ngarān kahai katang makhavai meifa chili vāulu;

MATTHEW 25:46

Kala athum katang makhavai tandipamli vāra, kha khamashungbingna katang makhavai kharingpamli vāra.”

MATTHEW 3:2

“Ningngateilu, kaja kazing wungram nganaishunhaira.”

MATTHEW 3:8

Nathum khalatta ningngateichaohaira kaji otsak eina chitheilu,

MATTHEW 7:14

Kharing mirinli thanvā khavai ngavei chiya masha̱laka, kala shongfa chi saklaka kala chi mi kateokhamāngna phākhuiya.

LUKE 14:33

Chithada sāda kachikathāna awui khalalei saikora mahorhairarakha iwui sākhangatha̱ masāpaimana.

LUKE 9:33

Mi khani china Jishuwui eina thuikahai eina, Peterna ali hānga, “Amei, ithum hili leikasā phālakhaira; ithumna rāmnao kathum sākhuisa, nawui vang akha, Moseswui vang akha kala Elijahwui vang akha”— Ana khi kahāngkhala kaji matheimana.

JOHN 10:9

I khamongna; kachikathāna iwui eina zangakha ali huimira, kala shok-zangda wonnui samphangra.

JOHN 14:6

Jishuna ngahānkai, “I shongfana, khamashungana, kala kharingana; iwui eina maningla Avāva̱wuili khipākha marāpaimana.

OTSAK 3:19

Chiwui vang eina nathumwui morei pheomipai khavai mai ngareiungda ningngateilu.

ROMNAO 9:22

Kala Varena kasā chila hithāpapama. Varena awui malungkhavāt chishotta mibingli awui pangshap theingasakngai, kha sāshimān khavai ngarānping kahai, ana malungvāt kahai mibingli kasāngkha ningzingharingmi.

2 CORINTHNAO 4:4

apuk-apaga hiwui makapha varenaona mashitkasangbingwui ning ngapeo ngasakhaoda, Varewui sakrin kakhuia Khristawui tekhamateiwui paokaphawui kahor chi mathei ngasakthuwa.

2 CORINTHNAO 6:17

Chiwui vang Prohona hānga, “Athumwui eina yāmshoklu, kala athumwui eina ngateihaolu. Makathar ot masāza̱alu, chithākha ina nathumli khuisangmira.

GALATIANAO 5:24

Jishu Khristawui ngasa kahaibing chiya mikumowui khangachā khamathang kala ningkachāng saikora chi chithithaira.

PHILIPPINAO 3:19

Athum meifali vātangsera, kaja phasāwui ningkachāngli phākazat chi athumwui vare ngasāhaowa; khayakkhamarao otsakli athumna langsoi, athum okathui otmāngli phaninga,

1 JOHN 5:19

Apuk-apaga hi makaphā pangshapwui azingli leilala ithum Varewuina kaji ithum thei.

PHONGKHAMI 12:9

Chieina phara̱ kasara, okathui katongali thānkhanguia, aming Satanla, Chipeela kaho dragon chi awui kazingraobingli ngasoda okathuili hortāhaowa.

PHONGKHAMI 13:8

Okathui masāranglakha shaothat kahaia Yaonaowui kharinga lairikli kapisang kahaibing chi maningla okathui katongana ali khorumra.

PHONGKHAMI 20:15

kala kachikathāwui aming kharingawui lairikli mazangthura̱-akha chikathā mili meiwui ngayi hili horsanghaowa.

PHONGKHAMI 20:3

leizingkhurli horsanghaida shungnamhailaga mahor namshānhaowa, kaja kum thingkha makāshungranglakha eina tangda ana mili maminamlui khavaina. Chiwui thili hunkhawui vang chiholuinaora.