MATTHEW 7:12 - Kathara Bible (BSI)

¹² “Chiwui vang eina nathumwui ningkachachāng chi mibingli sāmi ngasakhangai thada nathumnala athumli sāmilu; khikhalajila hi ain eina marāntuina.

MATTHEW 7:12 Iomraidhean Croise

EZEKIEL 18:21

“Kha kachikathā makhayā mina awui morei kasāwui eina ngalatthuihaida iwui shiyan-chikan mayonakha kala sākhangayi chiwui athishurda saakha, chikathā mi chi ringkachangkhatra, a mathimara.

PĀNGMONSHI 19:18

Nathumna athut makhuipaimana, lah ram khalattawui naobingli mayuishi ngarokpaimana, kha nakhalatta leikashi chithāda nawui khongnainaoli leishilu; I Prohona.

MICAH 6:8

O mikumo, kaphā chi khikhala; kaji Prohona chitheimihaira kala Prohona nawui eina khi ningkachāngkhala kaji chiya mashun eina kasā, lukhamashanli kakahao, kala ningmazingda Vareli ngasokazat maningmala?

MALACHI 3:5

“Chiwui thili nathumli bichar sākhavai ina rānganaira; ina sha̱ khangasobing, shām kasābing, kapikta shākhi kasābing, ngalangman mamila singkakharengbing, marānao, ra̱meinaoli malukhamashanbing, kha̱ram kazatabingli kakashambing kala ili makhangacheebingwuitungli mashun shākhi mira da saikorawui Prohona hānga.

MATTHEW 5:17

“Ain eina marān tui chi shimān ngasakida I kharāna da maphaningalu. Chi shimān ngasakida kharā maningla kha chi ungshung ngasak khavai I kharāna.

LUKE 6:31

Nali sami ngasakkhangai chi tākam eina kateibinglila sāmilu.

1 TIMOTHY 1:5

Ithumna kakaso hiwui ningrin chiya, kathara wuklung, tharzā kahai mashun-makhui kala kachangkhatwui shitkasang eina kharā leikashi chi mataisang khavaina.

JAMES 2:8

Kathara Iairikli kapi kahai, “Nawui khongnainaoli nakhalatta leikashi thada leishilu” kaji wungnaowui ain hi nathumna kachangkhat ungshung ngasakta leiakha nathumna khamashung ot kasāna.