MATTHEW 7:11 - Kathara Bible (BSI)

¹¹ Nathum maphāsālala nathumwui naongarāli khamathā ot mitheiakha, kazingramli khaleia nathumwui Avāna ali kapobingli kayākha mataimeida mirakhala?

MATTHEW 7:11 Iomraidhean Croise

HAOKAPHOK 6:5

Okathui alungli mikumowui makaphā sorngasai kahai kala makaphāmāng chukkhamaja katang makhavai chi Prohona thei.

HAOKAPHOK 8:21

Kala Prohona nganamkaphā anganam chi nganamlaga Prohowui ningli hānga, “Ara ina ngalei hi miwui vang eina makhonshiluilakmara, kaja miwui chukkhamaja nganuilakhawui eina thuida makaphā makhayāmānga; kala kharing yur kachiva̱ ina shimān khangasak chi ara ina masāluilakmara.

2 SAMUEL 7:19

Kala O Proho, Vare nawui mangāli hi kateowa ot akhana jilala, iwui wungram katang mavaimara da hāngmihaira!

JOBWUI LAIRIK 15:16

chithākha khayonkhamāng tara̱ thāda khamanga ningkakachaiya kala khamakhaowa mi chi kayākha suitāmeira!

LAA 84:11

Kaja Proho Vare hiya zimik kala changveina; ngahānkhangai eina khayākakā ana mi. Mashungrik eina kazatbingwui vang kapha otli ana makhāmhailakmana.

LAA 85:12

Mha, Prohona kaphā chi mira, ithumwui ngalei mataisangra.

LAA 86:15

Kha O Proho, nava lukhamashan leikashi Varena, malung mavatkazāra kala makhangachei leishikatha ningkatong Varena.

LAA 86:5

Kaja nava, O Proho, kaphā kala pheokhamena nali khangakaobingli makhangachei leikashi pemting eina mi.

ISAIAH 49:15

“Na̱ mangda khalei naoli ava̱va̱na malaishapla, awui naopamwui eina kashoka awui naomayarali malumashanmarala?” Athumna malaihaisālala, iva nali mamalaimara.

ISAIAH 63:7

Prohowui makhangachei leikashi chi ina phaningchingra, ithumli Prohona khami saikora chiwui athishurda Proholi masot michingra, kala awui lukhamashan athishurda Israel shimkhurli, kaphā hakkhamahā mikahai chi, awui makhangachei leikashiwui makhavāt athishurda khamina.

JEREMIAH 17:9

“Ot saikorawuitungli wuklung zakshimeikapa, kala makhaomeikapa, khipāna chi bhab tāshapkhala?

JEREMIAH 33:14

“Yanglu, atam chi rārāli, Israel eina Judahwui shimkhurli ina ngashit kahai chi ungshung khangasak atam rārāda lei, da Prohona hānga.

HOSEA 14:2

Nawui tui khuiphunglaga Proholi latungda ali hānglu, “Khayon-khamāng khuithuiserhaolu, kaphā chi khuimilu, kala ithumwui morchaiwui athei che ithumna phungra.

MICAH 7:18

Khayonkhamāng pheokhami na kathā Vare khipā lei? awui shimluikat shākkahaiwui vang salāng kahaili chihokhami khipā lei? Ana katang mavaila awui malungkhavāt makaziphaimana kaja makhangachei leikashili awui ringkaphā lei.

MALACHI 1:6

“Naomayarana avāva̱li khayāshi, kala raona akhavāli khayāshi. Chithākha, I avāva̱ akhana jilaga ili khayākashi kali leili? Kala I akhavā akhana jiakha ili khangachee kali leikhala? da saikorawui Prohona awui mingli yangkakharinga, pāngmonbing, nathumli kahāngna. Nathumna hānga, Ithumna nawui mingli kathāda yangkharinghaokhala?

MATTHEW 23:9

Kala okathuili mi khipālikha avā mahoalu, khikhalajila nathumwui Avā akhamanga, ava kazingramli lei.

MATTHEW 7:10

Kala ana khaih poakha ali phara̱ mida?

JOHN 3:16

Khikhalajila Varena apuk-apagva̱li leishinā kahaiwui vang awui Naohonaotong chi mi, chieina ali shitkasanga mi kachiva̱ mashimānphalungmara kha katang makhavai kharing samphangra.

ROMNAO 3:19

Ara ithumna thei kaja ainli hāngkahai kachiva̱ chi ainwui azingli khaleibingwui vangna, chiya mikumona hāngkakatei maleila okathui katonga Varewui bichar kasāli zangkhavaina.

ROMNAO 3:9

Chithākha ithum Jihudibingna Gentilebingli phākhamei leilā? Maleimana, maleilākmana. Kachiwui vangkhala kaja Jihudibingla, Gentilebingla saikora morei pangshapwui azingli leisera da ina hānghaira.

ROMNAO 8:32

Anaomayarali mashivāmla ithum saikorawui vang chigatmiakha ithumli ot saikora khalem eina mamimaralā?

GALATIANAO 3:22

Kha hithada hānghai, kaja okathui katonga moreiwui pangshap azingli lei. Chieina pheisin sāda ngashitmi kahai lemmet chi shitkasanga athum chili mihaira

JAMES 1:17

Kaphā lemmet kala thada khami saikora hi atungshongwui eina katāsera. Hi aka̱lā thada ngacheiung ngachei khavā makhalei kazingramwui kahor Avāva̱wui eina kharāna.

1 JOHN 3:1

Ithumli Varivarawui nao da homida Avāva̱na kayākha leishimihairakhala kaji yanglu; awui nao ngasā kachanghaira; okathuina ithumli makatheiva athumna Varivarali makatheiwui vangna.

1 JOHN 4:10

Leikashi kaho chi hithai; ithumna Vareli leishikhare maningmana kha ana ithumli leishida ithumwui morei pheomi khavaiwui vang maseimi khavai Anaomayarali chihorāmi.