MATTHEW 6:5 - Kathara Bible (BSI)

⁵ “Nathumna seihā kasā tharan phākakhaningbingna kasā thada masāphalungmara kaja athumva mina theivairanu da synagogueli kala chānreipheili nganinglaga seihā sākazat ningchanga. Ina nathumli kachangkhat kahāngna, athumna samphangkhangayi chi samphanghaira.

MATTHEW 6:5 Iomraidhean Croise

LAA 5:2

Iwui khavao khon hi kashāmilu; iwui Awunga, iwui Vare, kaja ina nali seihā kasāna.

LAA 55:17

Ngazin eina ngathor kala ngashun mateila ina maringkaphā hāngphatta ngahuipama, kala ana iwui khon shāmira.

CHĀNSAM 15:8

Makhayāwui pha̱kaphayā Prohowui mangāli ningkakachaina, kha mashungrik kahaiwui seihā kasā awui ningyāng khaungna.

CHĀNSAM 16:5

Yākhangai hi Prohowui mangāli ningkakachai otna, ali tandi mamila machihomara kaji theilu.

ISAIAH 1:15

“Nathumna pāng phayaikashok tharan, imik nathumwui eina thumhaora; nathumna seihā kachungkha sālala, ina manganāsangmara; nathumwui pāng asheemānga.

JEREMIAH 29:12

Chitharan nathumna ili ngakaora kala ili seihā sāra, kala ina khuisangmira.

DANIEL 6:10

Kakaso shoi sāhaira kaji theilaga Danielna awui shim mathāng atoli kāda, Jerusalemshong khalei charfa ngalemli khuktida Vareli ningkashi eina thangkhali kathumshida khangachā makailakla seihā sāchinga.

MATTHEW 21:22

Nathumna shitsangakha seihā sāda kapopo saikora samphangsera.”

MATTHEW 23:13

“Ain kathemabing eina Phariseebing, phākakhaningabing! Nathumli kakhanang ringkashi ngasāranu, khikhalajila nathumna kazing wungramli zangki kajibingli shungnamda lei, kala nathum khalattala mazang lah zangki kajebingla mazang ngasakmana.

MATTHEW 23:5

Athumna athumwui kasāsā ot chi mina theikhavai sai; athumwui pāsi eina hār pākta sākhui kala chontheira̱ sānglak eina khanonga,

MATTHEW 23:6

Zātkhānli athumna khangamkhareiwui pam kala synagogueli mathāmeikap kaje pam ningchānga,

MATTHEW 6:1

“Nathumna sākhangayi kaphā ot kasā chi mibingna mathei khavai ning ngasharlu, kaja nathumna chithei khavai saakha kazingli khalei nathumwui Avāwui eina sāman masamphangmara.

MATTHEW 6:16

“Nathumna kakhum tharan khanangzan eina phākakhaningbingna kasā thada mapamchitheialu, kaja athuma athumwui kakhum chi mibingna theivairanu da zakmai ngatei ngasaka. Ina nathumli kachangkhat kahāngna, athumna athumwui samphangrān chi samphanghaira.

MATTHEW 6:2

“Chiwui vang eina nana kachikathā khavāta mi akhali khangachon khami tharan phākakhaningabingna synagogueli kala chānreili mibingna sovairanu da kasā thada yaruili masāchitheizatalu.

MATTHEW 9:38

Chiwui vang eina kahātwui akhavā Proholi kahāta mi chungmeida shirāt khavai seihā sālu.”

MARK 11:25

Kala nathumna nganingda seihā kasā tharan, nana makhamayā mi leisaakha pheomihaifalu; chithākha kazingramli khalei nathumwui Avānala nawui khayon pheomira.

MARK 12:38

Kala ana awui tamkachitheili hānga, “Phahon katuma ngavailaga yaothuizatkhangaiya kala leihngapha̱lungli khayāshilak eina shālam sangasakkhangaibing,

LUKE 11:43

“Phariseebing! nathum kakhanang ringkashi ngasāranu! kaja nathumna synagogueli khayākakāpam kala leihngapha̱li khayākashiwui shālam ningchanga.

LUKE 18:1

Jishuna athumli atam kachida seihā sāching khavai kala ning masuitā khavai chānjam akha hāngchithei.

LUKE 18:13

“Kha khāshinā khaloka china achithek akhali nganinglaga kazingramshongla mayangkalengla amathikli kapheda, ‘He Varivara, morei kaphunga ili khalumashanmilu’ da poi.”

LUKE 20:47

rāmeinaobingwui lan khangaponbing kala sāchithei khavai seihā kasangsang sākharekabingli ningngasharlu. Athum hakkhamei khonshāt samphangra.”

LUKE 6:24

“Kha kashāngabing nathum kakhanang ringkashi ngasāranu, kaja nathum nathumwui ringkaphā samphanghaira!

JOHN 16:24

Aja eina tangda nathumna iwui ming singda mapolakranga; polu, samphangra, chi eina nathumwui ringkaphā kāshungra.

EPHESIANAO 6:18

Manglāna thānkhami chiwui alungli Varewui khangachon samphang khavai otsak saikorali seihā kasā eina ngasoda polu. Varewui mibingwui vang seihā sāmichinglu.

1 THESSALONICANAO 5:17

Mathāhaila seihā sāchinglu.

JAMES 4:6

Kha Varena hakkhamei lukhamashan mi, chiwui vang eina hithada hānga, “Varena lāngkasobingli ngasunga, kha khangahuibingli lumashanmi.”