MATTHEW 6:4 - Kathara Bible (BSI)

⁴ chithākha nawui lemmet khami chi khangathumli lei kala ngathumda katheia nathumwui Avāna nali sāman mira.

MATTHEW 6:4 Iomraidhean Croise

LAA 139:12

tangkhamang chieina tangda nale matangmangmana, ngayāla ngashun thāda hora; kaja tangkhamangla nawui vanga kahorna.

LAA 17:3

Iwui ning nana chāng yanglala, ngayāshong nana ili rāyanglala, nana ili tamyanglala, makaphā masamphangmara; ikhamor eina khalāng masāmana.

LAA 44:21

Varena chi maphāshokmarala? Kaja khangathum ningla ana thei.

CHĀNSAM 25:22

kaja athumwui kuitungli nana meithā parkahaina, kala Prohona nali sāman mira.

JEREMIAH 17:10

Proho, Ina ningli kapeoyanga, kala wuklungli tamyanga; mi kachiva̱li awui apongwui thishurda, awui kasāsāwui athei athishurda mikhavaina.”

JEREMIAH 23:24

Makathei apamli mi akhana ngathumhaowa da ina matheirarmarala? da Prohona hānga. Okathuilila kazingramlila ina kachipem maningmala? da Prohona hānga.

MATTHEW 10:42

Kachikathāna iwui sākhangatha̱bingwui ngachaili teomeikap kaje akhali iwui sākhangatha̱na kajiwui vang tara̱ khamakui kapkhamāngla mimangakha, ina nathumli kachangkhat kahāngna, kachilikha awui sāman chi mashimānlakmara.”

MATTHEW 6:18

Chieina nathumwui kakhum chi mina maningla kha ngathumda khaleia nathumwui Avāna theira; kala ngathumda katheia nathumwui Avāna nathumli sāman mira.

MATTHEW 6:3

Kha nana lemmet khami tharan, nawui yāshongna kasā chi nawui uishongli mathei ngasakalu,

MATTHEW 6:6

Kha nana seihā kasā tharan nawui kāli zangda khamong shunghailaga mik eina makathei nathumwui Avāli seihā sālu, kala ngathum kahai saikora katheia nathumwui Avā china nali sāman mira.

LUKE 14:14

Chithākha nali somira; khiwui vangkhala kaja athumna nali marunrarmara. Kha mashunkasā mibingna ringshokthanghon nali Varena runmira.”

LUKE 8:17

“Kaja maphongshokla thumhaoki kaji khikha maleimana, lah matheiki kaji kala kahorli makhuishokla kafakhamhaoki kaji khikha maleimana.

1 CORINTHNAO 4:5

Chiwui vang eina retkahai atam chi marāranglakha eina tangda khipālikha bichar masālu, Proho marāranglakha eina tangda ngaraisālu. Chithanghon tangkhamangli thumtit kahaibing kala mibingwui ningli kharin leilaga ngathum kahai saikora phongshokra. Chiwui thili mi kachiva̱ Verewui eina ana masot samphang khangayi chi samphangra.

HEBREWNAO 4:13

Varivarawui eina ngathumkapai khikha maleimana. Ot saikora awui miktāli ngakheikhang eina theisera; kala ithumna sākahai ot saikora ali hāngphatserki kajina.

JUDE 1:24

Ara kongluipaishinada mayonkhame, tekhamateiwui mangāli chukhara̱ maleila mathānthathup eina thānzangkhame,

PHONGKHAMI 2:23

Awui thikashurabingli ina sāthatserhaora, chieina church saikorana I hi mi saikorawui kaphaning sākhangai katheiana da theikhuira. Kala nathum kachiva̱li kachichāna sākahai athishurda mira.

1 SAMUEL 2:30

Chiwui vang Israelwui Vare Prohona hangdalei: Nawui shimkhur kala navāwui shimkhurna iwui mangāli katang mavaila kashok-kazang yangmichingra da ina ngashithairasai; kha ara Prohona hānghaira: Chi iwui eina katāva̱li leiranu; kaja ili khayākashi mili inala maiyā ngasakra; ili khayākashi mi chili inala khayā shira, ili ningkakachaiya saikorali ina khonshira.