MATTHEW 6:33 - Kathara Bible (BSI)

³³ Kha rimeikapta, nathumna Varewui wungram kala awui khamashung khangarong chi phārifalu, chithākha saikora hi nathumli ngarumsangmira.

MATTHEW 6:33 Iomraidhean Croise

1 WUNGNAOBING 17:13

Elijahna hānga, “Mangangalu, nali kahāng thāda sālu, kha ili khamui hāngkha mifalu, chiwui thili nanaomayara naniwui vang sākhuinaolu.

LAA 112:3

Kashang-kharei awui shimli lei; awui khamashung khangarongna nganingchingra.

LAA 37:25

I nganuisai, ara rarhaira; chithālala khangarongali horkahai ina matheilakmana, lah awui naongarā zāt pozākazatla matheimana.

LAA 37:3

Proholi shitsanglu kala kaphā sālu, chieina nana ram chili sompamra, kala ning tāphuphaira.

CHĀNSAM 10:3

Khangaronga mili Prohona thaida mazat ngasakmana; kha ana makhayābingwui khangarān pa̱ngapā ngasaka.

CHĀNSAM 28:10

Khangaronga mili makapha apongli thānkhangui mi chi awui chomli khalatta tāzangra; kha shāt makakā mina khamathā shimlui khuira.

CHĀNSAM 8:18

Kashāng kala khayākakāla iwuili lei, makashimān lan kala mataikasangla.

HĀSHOKME 10:2

Thangkhamei miwui ningna ali yāshong yuivā ngasaka, kha mangkhama̱wui ningna uishong yuivā ngasaka.

ISAIAH 26:9

Imanglāna nali ngayā phai; kaja okathuili nawui bichar theilaga apuk-apagawui mibingna nawui khangarong theikhui.

ISAIAH 33:6

Kala ana nawui thotwui, khavāt makhalei huikhamiwui, thangkhamei, kala theishingkakhuiwui rungshinga ngasāra; Proholi khangachee hi awui lanna.

ISAIAH 45:24

“Prohomāngli khamashung eina pangshap lei da mibingna iwui pongli hāngra; ali ngakaikashebing awui mangāli rāda kakhayak samphangra.

JEREMIAH 23:6

Awui thotli Judahli kanmira, kala Israel chingri eina okthuira. Kala ali hoki kaji aming chi hina: ‘Proho hi ithumwui khamashung khangarongana.’

MATTHEW 19:28

Jishuna athumli hānga, “Kachangkhat eina ina nathumli kahāngna, kadhara oathuili, miwui Naomayarana awui tekhamatei wungpamkhongli kapam tharan, ithi kashura nathumla wungpamkhong tharada khanili pamda Israel shang tharāda khanili bichar sāra.

MATTHEW 19:29

Kala iwui mingwui vang shim lah chinao ngarā, azarva̱ ngarā, ava̱-avā, naongarā kala ram horkahai mi kachiva̱ shākha mataida samphangra kala makashimān kharing mirin mathunkhuira.

MATTHEW 3:2

“Ningngateilu, kaja kazing wungram nganaishunhaira.”

MATTHEW 4:17

Atam chiwui eina thuida Jishuna pao hāshokphokta hānga, “Ningngateilu, kaja kazing wungram nganaishunhaira.”

MATTHEW 5:6

Khamashung khangarongwui vang kathai ra̱kachangbing sokhamina, khikhalajila athumli ningyang ungngasakra!

LUKE 1:6

Ani khanini Varewui mangāli khamashung-khangarong mi sāda Prohowui ningkhami kala shiyan saikora mayonda shāt makālakla okthuisai.

LUKE 12:31

Kha awui wungram pharifalu, chithākha ot saikora nathumli ngarumsangmira.

JOHN 5:4

Kaja mararakli Prohowui kazingrao tāda ra̱khong chiwui tara̱ chi ngatha̱ ngasaka. Tara̱ chi ngatha̱ kahaiwui thili zangkharena kazāt khikhikharanu kharai samphanga).

JOHN 6:27

Shimānki kaji kashakazāwui vang ngalang mazāralu, kha miwui Naomayarana nathumli miki kaji katang makhavai kharinga kashakazāwui vang ngalangzarlu, kachiwui vangkhala kaja Varena awui mayākhamiwui mahor ali nammihaira.”

OTSAK 20:25

Kala yanglu, ina wungram hāshok kahaia nathum saikorana ara iwui zakmai kathei masamphangluimarada ina thei.

OTSAK 28:31

Vare wungramwui pao hāshoka kala Proho Jishu Khristawui pongli sheikakhaut maleila phongshar eina tamchithei.

ROMNAO 1:17

Kaja, Varivarana mikumoli kathada mashungmikhala kaji hi pao khamathāna phongmi: hi khare eina thuilaga khanao eina tangda shitkasang mangā einana. Hithada kapihaida lei, “Shitkasangwui mangā eina khangaronga ā chi ringra.”

ROMNAO 10:3

Kaja athumna Varewui eina kharā mashungkhami chi matheimana, kha athum khalattawui apong phālaga Varena mashungkhami chili mamayāthuwa.

ROMNAO 14:17

kaja Vare wungram hiliva kashaikashakna akachanga maningmana, kha Manglā Katharana khami khamashung-khangarong, chingri kahai kala ringkaphā china,

ROMNAO 8:31

Chithākha ithumna hili khi hāngluira? Vare hi ithumwuina jiakha khipāna ithumli yangshirarra?

1 CORINTHNAO 1:30

Varena nathumli Khrista Jishuli ngarum khavai hokhuihaira kala Varena Khrista chi ithumwui thangmei sāngasakhaira. Awui mangā eina ithumli mashungmihaira; ithum Varewui kathara miyur ngasāhaira kala moreiwui eina ningkhān ngasakhaira.

1 CORINTHNAO 3:22

Paul jilala, Apollos jilala, Cephas jilala, okathui jilala, kharing jilala, kathi jilala, aruihon jilala naoda jilala saikora nathumwuisera.

2 CORINTHNAO 5:21

Kaja morei makhalei ali ithumwui vang eina morei phungngasaka, chiwui vang eina awui lungli ithum Varewui khamashung-khangaronga ngasāpai.

PHILIPPINAO 3:9

kala ali ngarumchaohaipai. Ain khamayonwui vang I khalattawui khamashung khangarong chi I maleiluimana. Ara ina khalei chiya shitkasangli pheisinda Varewui eina kharā, Khristali shitkasang manga eina khami khamashung khangarong china.

2 THESSALONICANAO 1:5

Saikora hina Varewui bichar hi khamashungana kaji chithei kala nathumna samphangda khalei kachotkachāngwui athei sāda Vare wungramli zangkhangayena da shānkhuira.

1 TIMOTHY 4:8

Phasāwui pongli tamkakhui tongkazā chi kateokhamaya, kha Vareli kaphaning hiya aruihonwui mirinlila, rāki kaji mirinwui vangla khangashit khaleiwui vang apong kachiva̱li tongzai.

2 PETER 1:1

Varewui khamashung khangarongli kala Jishu Khristawui lungli ithum shitkasang samphang kahaibingli ngaraichā eina Jishu Khristawui rao kala paokazata Simon Peterna kagapina.

2 PETER 1:11

kala ithumwui Proho kala Huikhame Jishu Khristawui katang makhavai Varewui wungramli zangpai khavai apong tārakha eina ithumli ngarānmira.