MATTHEW 6:16 - Kathara Bible (BSI)

¹⁶ “Nathumna kakhum tharan khanangzan eina phākakhaningbingna kasā thada mapamchitheialu, kaja athuma athumwui kakhum chi mibingna theivairanu da zakmai ngatei ngasaka. Ina nathumli kachangkhat kahāngna, athumna athumwui samphangrān chi samphanghaira.

MATTHEW 6:16 Iomraidhean Croise

2 SAMUEL 12:16

Nao chiwui vang Davidna Vareli poi; Davidna kakhum eina pamda, ngayā pongda ngaleili ngakhorpithaida Vareli poi.

2 SAMUEL 12:21

Awui raobingna hānga, “Nana khikasākhala? Nao chi mathiranglakha nana kakhum eina pama; kha thikahai eina ngakarthuida phāshak phākazā hi!”

1 WUNGNAOBING 21:27

Ahabna tuibing hi kashā tharan awui kachon serkhaklaga aphasāli bora ngavai, kala khumda bora māngli pi, kala ning mashoklakla zata.

NEHEMIAH 1:4

Tui chi kashā eina ina pamzangda chapa, kala zimiksho kasāngkhawui vang sifapama; ina kazingramwui Vareli kakhum eina seihā sapama.

ESTHER 4:16

“Zatlu, Susali khalei Jehudi saikora phākhuida iwui vang kakhum eina pamlu; ngashun ngayā kathumthang khikha mazā mamangalu. I eina iwui rao sha̱naobingla nathumwui thāda khumra. Chiwui thili, ain maninglala ina awungawuili vāra; kala chili I thikha thihaira.”

LAA 109:24

Khumkapam eina ikhuksaola nganukhaira, phasāla kaothekhaira.

LAA 35:13

Kha athum kakazā tharan, ina borashi ngavai, ikhalatta khumda khananga. Ikui mathiktungli ngasunda seihā sai,

LAA 69:10

Khumda imanglā hamsang khangasak tharan, chi iwui khayon phākhavai ngasāhaowa.

DANIEL 9:3

Chiwui thili kakhum eina, bora ngavaida kala hotlā teilaga seihā kasā eina ngasoda ina Vare Proholi mai ngareiunga.

MALACHI 3:14

Nathumna hānga, ‘Vareli otram khangatha̱ makānāmana. Awui kakaso khamayon kala saikorawui Prohowui mangāli chapkhangachā thāda kazatwui kaphā khi leikhala?

MATTHEW 6:1

“Nathumna sākhangayi kaphā ot kasā chi mibingna mathei khavai ning ngasharlu, kaja nathumna chithei khavai saakha kazingli khalei nathumwui Avāwui eina sāman masamphangmara.

MATTHEW 6:2

“Chiwui vang eina nana kachikathā khavāta mi akhali khangachon khami tharan phākakhaningabingna synagogueli kala chānreili mibingna sovairanu da kasā thada yaruili masāchitheizatalu.

MATTHEW 6:5

“Nathumna seihā kasā tharan phākakhaningbingna kasā thada masāphalungmara kaja athumva mina theivairanu da synagogueli kala chānreipheili nganinglaga seihā sākazat ningchanga. Ina nathumli kachangkhat kahāngna, athumna samphangkhangayi chi samphanghaira.

MARK 2:18

Thangkha Johnwui sākhangatha̱bing eina Phariseebing khumda leilakha mi kaikhana ali rāngahāna, “John eina Phariseebingwui sākhangatha̱bingna khumlaga khiwui vang eina nawui sākhangatha̱bingna makhumthukhala?”

LUKE 18:12

Ina haptākhali khanishida khuma, kala samkaphang saikorawui tithebing michinga.’

LUKE 2:37

kala kum hangchishata mati kakā eina tangda ra̱meipama. Ana ngashun ngayā mateila kakhumla khum, seihāla sāda Vareli khorumlaga khorumshimwui eina mathuilakmana.

OTSAK 10:30

Chieina Corneliusna hānga, “Matithang shānghaira, arui atam himaikha ina iwui shimli pung kachikowui seiha salakha; yanglu, kahāna kachon khangavai mi akha kashuirak iwui mangāli ranganingda

OTSAK 14:23

Church kachiva̱li anina ararbing kapangsangmi kala kakhum eina seihā sālaga kapang kahai athum chi athumna shitkasanga Prohowui pāngli horsangmi.

1 CORINTHNAO 7:5

Seihā sākhui khavai khaninina mayāngarokta atam kasha̱nakhawui vang pākkhangarok maningakha akha eina akha mamayā khangarok masaalu, pāksālala ngakumluishitlu, maningakha khalatta mangarinkharar eina Satanwui kasuili tazanghaipaishina.

2 CORINTHNAO 11:27

Ringkashi kachotkachāng ngayā mapikakhui, kathai, ra̱kachang, kasāngkharei kakhum, kasik kala kashankachon makhangavai kachungkha shida samphanghaira.

2 CORINTHNAO 6:5

Kashaola, phātop kazangla, khonkazārla, ot kasāla, makapila, kakhumla ithumna khānga.