MATTHEW 6:12 - Kathara Bible (BSI)

¹² Ithumli khayonkhamāng kasābingli ithumna pheomi kahai thada, Ithumwui khayonkhamāngla kapheomilu;

MATTHEW 6:12 Iomraidhean Croise

1 WUNGNAOBING 8:30

Narao kala nawui Israel mibingna apam hishong ngareirālaga kapo chitharan kashāmilu; nawui somkhavai pam kazingramli kashāmilu; kala nana kashā tharan kapheomilu.

1 WUNGNAOBING 8:34

nana kazingramli shāmida, nawui mi Israelwui morei kapheomilu, kala ishāvā ngarāli nana mikahai ngalei chili kathānungmiluilu.

1 WUNGNAOBING 8:39

nawui pamkhavai kazingramli shākāmida, kapheomilu; kala nana mi kachiva̱li kachichāwui kaphaning athishurda sāmilu; (kaja mi kachiva̱wui ning namāngna theisera);

1 WUNGNAOBING 8:50

kala nali morei, khayonkhamāng sākahai nawui mibingli pheomilu; kala athumli tukkakhuibingwui mikyanli lumashanmi khavai, tukkakhuiabing chili lukhamashan ning sangmilu,

LAA 130:4

Kha nali ngacheepai khavai, nawui huikhami lei.

LAA 32:1

Khayonkhamāng pheomi kahai, kala morei farormi kahai mi chi sokhamina.

SHONGZĀ 34:7

phaningmida mi thingthingwui vang makhangachei leishikhame, morei, makaphā makhayā, khayonkhamāng pheokhamena; kha khayonkhamāngli avāva̱ ngarāwui moreiwui vāng naongarāwui naongarā, kakathuma kala khamate thot eina tangda tandi mi” da rāphongshoka.

ISAIAH 1:18

“Ralu, ithum bhab tāda ngazekrumkhuisa, da Prohona hānga: nathumwui morei hungpinghailala, horam thāda charshihaora; ashee thāda hungshihailala, sāhāh kachar thāhaora.

DANIEL 9:19

O Proho, nganāmilu; O Proho, pheomilu; O Proho, katheimilu; mahuinahaialu, namingwui vang, O iwui Vare, kaja keinung kala mibing hi nawuina.”

MATTHEW 26:28

khikhalajila hi tuingashitwui iwui asheena, morei pheomi khavai kachungkhawui vang heishokkhamina.

MATTHEW 9:2

Yanglu, athumna awuili sheikasha̱ mi akha pet eina phonda ngazonrai. Jishuna athumwui shitkasang chi theilaga sheikasha̱pā chili hānga, “Pingmeilu, inaomayara! Nawui morei pheomihaira.”

MARK 11:25

Kala nathumna nganingda seihā kasā tharan, nana makhamayā mi leisaakha pheomihaifalu; chithākha kazingramli khalei nathumwui Avānala nawui khayon pheomira.

LUKE 11:4

kala ithumli ithumwui morei pheomilu; khikhalajila ithumli khayon kasā mi kachiva̱li ithumna pheomi; kala ithumli kasuili mathānzangmialu.’”

LUKE 13:4

Lha Siloamli dolanshim tektāda tākthat kahai mi tharāda chishat chi aja Jerusalemli panda khalei mibingli yonmeikhara da nathum phaninglā?

LUKE 6:37

“Bichar masaalu chithākha nathumlila bichar masāmara; khayon mamialu chithākha nathumlila khayon mamimara; pheomilu chithākha nathumlila pheomira;

OTSAK 13:38

Chiwui vang eina ivānaobing, nathumli hi theikhui ngasakkhangaina kaja mi hipāwui mangā eina morei pheokhamiwui tui nathumli hākashokna.

EPHESIANAO 1:7

Kaja Khristawui asheena ithumli ningkhānmi, chiya ithumwui morei pheomihaira. Varewui lukhamashan kayākha hakmahākhala,

EPHESIANAO 4:32

Chiwui mahutliva Khristawui mangā eina Varena nathumli pheokhami chithada, nathum akha eina akha pheomi ngarokta malungkhanim eina ningngaishi ngaroklu.

COLOSSIANAO 3:13

Nathum akha eina akha ya jimi ngaroklu. Khristana pheokhami thada nathum akha eina akha pheomi ngarokphalungra.