MATTHEW 5:8 - Kathara Bible (BSI)

⁸ Wuklung tharzāri kahaibing chi sokhamina, khikhalajila athumna Vareli theira!

MATTHEW 5:8 Iomraidhean Croise

HAOKAPHOK 32:30

Chiwui vang eina Jacobna apam chiwui aming Peniel phokmida hānga, “Kaja ina Vareli mai eina mai ngasunda kathei samphanghaira, thalala iwui mirin kanmihaira.”

2 SAMUEL 22:27

Katharali nanala tharda chitheimi, phaning khanguiyali khangui nana sāchithei.

LAA 15:2

Ningkathar eina kazata, khamashung eina kasaa, kala wuklung eina khamashung tui khamatuia;

LAA 18:26

Kathara chili nakhalattawui kathar chitheimi; makhangaronga chili nakhalatta makhangarong eina chitheimi.

LAA 24:4

Apāng tharda khaleia, ning kathara, makānkhana otli awui manglāna makakahao, kala mikhanam eina ngasoda mamingkazaiapa china.

LAA 51:10

O Vare, ili wuklung kathar semsangmilu, kala kadhara kala khamashunga manglā sangmilu.

LAA 51:6

Yanglu, nana alungli khamashung chi ningchānga; Chiwui vang eina khangathuma wuklungli ili awor tamchitheimilu.

LAA 73:1

Kachangkhat eina ningkhangatar kala ningkathar athumli Vare phālaka.

CHĀNSAM 22:11

Ningkatharli leikashe, kala tuimatui leishiri kahaia, awungana awui ngasotnao sāra.

OTSAK 15:9

Ana ithum eina athumli ngatei khangasak maleimana, kaja shitkasangwui mangā eina ana athumwui morei pheomi.

1 CORINTHNAO 13:12

Khikhalajila arui ithumna ka̱lāra̱ngayotli mamachā eina thei, kha chiwui thili mai eina mai theira. Arui ina ngakai-ngakāda katheimaya; kha chiwui thili ana ili theishingkhui kahai thada inala ali theishingkhuira.

2 CORINTHNAO 7:1

Leikashebing ot saikora hi ithumli ngashitmihaira. Chiwui vang eina phasālila, manglālila mamakhao ngasakla Vareli khangachee eina ngasoda tharlak eina okthuisa.

TITUS 1:15

Katharabingwui vanga ot saikora tharsera. Kha khamakhao mashitkasangbingwui vanga khikhala kathar maleimana. Kaja awui ning kala mashun-makhui hi makhaoserhaowa.

HEBREWNAO 10:22

Chieina ningkathar kala makhangapat shitkasang eina kala khayona chukkhamaja̱wui eina tharmi kahai wuklung eina ngasoda tara̱ kathar eina phasāla ra̱vaihaida ithum Vareli nganaimeisa.

HEBREWNAO 12:14

Mi kachiva̱li chingri eina ngasopamda kathar eina okthuilu, chi maningakha Proholi khipākha kathei masamphangmara.

HEBREWNAO 9:14

Chithākha Khristawui ashee eina kayākha mataida tharmirakhala? Katang makhavai Manglā chieina chukkhara maleila a khalatta Vareli pha̱mi. Awui ashee eina ithumwui mashun-makhui chi makaphā otsakwui eina tharmihaida kharinga Vareli otram ngatha̱pai khavai sāmi.

JAMES 3:17

Kha atungshongwui eina kharā thangkhamei chili rimeikapta kathar, chiwui thili chingrihaikapai, tākui kahai, mayā khangarok, lukhamashana kapem kala kaphā atheimānga, phākakhaning kala ningmakathar maleimana.

JAMES 4:8

Vareli nganailu, chithākha ana nathumli rānganaimira. Morei kaphungabing, nathumwui pāng maziklu. Phākakhaningbing, nathumwui wuklung tharngasaklu.

1 PETER 1:22

Achinā ngarāli ningtharda leishi khavai khamashung chili kahāng khanganāwui vang nathum khalatta tharhaogada, nathum akha eina akha ningtongda wuklung eina leishi ngaroklu.

PHONGKHAMI 22:4

athumna awui mai theira kala athumwui khaveili awui aming kapisangsera.