MATTHEW 5:48 - Kathara Bible (BSI)

⁴⁸ Chiwui vang eina kazingli khaleia nathumwui Avāna kākashung chithada nathumla kāshungphalungra.”

MATTHEW 5:48 Iomraidhean Croise

HAOKAPHOK 17:1

Abram kum hangchikoda chiko kākashung tharān Prohona rāchitheida hānga, “I Sashap-pangshapa Varena; iwui mangāli zatlu, kala shāt makā ngasakalu.

2 SAMUEL 22:31

Varewui apong mangapeilakmana, Prohowui ngashit kahai mangapatmana, ali yāmkhangayin saikorali ana chāngvei sāmi.

LAA 37:37

Shāt makakā mili machutkhuilu, kala mashungrik kahai chili yanglu, kaja chingri kahai miwui mataikasang lei.

PĀNGMONSHI 11:44

kaja I Proho nathumwui Varena; chiwui vang nathum khalatta tharchigatlu kala tharlu, kaja I katharana; ngaleili ngawokazata ot eina nathum khalatta masākhamāngalu.

PĀNGMONSHI 19:2

“Israel yarui ashangva̱li nathum tharphalungra; kaja Proho nathumwui Vare iya katharana da hānglu.

PĀNGMONSHI 20:26

Nathum tharphalungra; kaja Proho I katharana, kala iwui mi sākhavai yur kateibingwui eina nathumli ngatei khangasakna.

MATTHEW 5:16

Nathumwui kahor chi mibingwui mangāli horngasaklu, chithākha athumna nathumwui kaphā otsak chi theilaga kazingramli khalei nathumwui Avāli masochikatra.

MATTHEW 5:45

Chithākha nathum kazingramli khaleiya nathumwui Avāwui naongarā ngasāpaira; kaja ana kaphālila makaphālila zimik shokmi kala khamashungalila, makhamashungalila kazing rotāmi.

MATTHEW 5:47

Nathumna nachi nāngarāmāngli ngahānngaiakha kateibingli nathumna mataimeida kasā khi leikhala? Vareli makatheibingnala chithada masāmalā?

LUKE 6:36

Nathumwui Avāva̱na lumashankathei thada nathumla lumashantheilu.

LUKE 6:40

Katamnaona Ojāli mareimeimana, kha kāshunglak eina tamchithei kahaiwui thili mi kachiva̱ awui ojā eina ngaraichāpapamhaora.

2 CORINTHNAO 13:11

Naomeikapta, ivānaobing ringphāmeilu. Kāshungmei khavai sālu, iwui kapo nganāmilu, ningkha sālu; chingri eina okthuirumlu. Leikashi kala chingri kahaiwui Varena nathumli ngasomichingranu.

2 CORINTHNAO 13:9

Ithumna khangazan tharan nathum panghaoda ithum ringphai. Chieina nathum kāshungmei khavai ithumna seihā sāmi.

2 CORINTHNAO 7:1

Leikashebing ot saikora hi ithumli ngashitmihaira. Chiwui vang eina phasālila, manglālila mamakhao ngasakla Vareli khangachee eina ngasoda tharlak eina okthuisa.

EPHESIANAO 3:1

Maram hiwui vang eina, Khrista Jishuwui vang phātop kazanga Paul ina Gentilebing nathumwui vang seihā sāmi.

KHALATLUI 18:13

Proho nathumwui Varewui mangāli nathum shāt makā ngasaklakalu.

KHALATLUI 27:10

Chiwui vang eina aja ina kagaso hi Proho nathumwui Varewui shiyan kala awui ningkhami mayonda awui kahāng nganālu.”

COLOSSIANAO 1:28

Chiwui vang eina ithumna mi kachiva̱li Khristawui pongli hākashokna, kashap eina tangda thangkhamei tui eina ithumna mi kachiva̱ hi Khristawui lungli kākashunga mi akha sāda Varewui mangāli zangkhavai athumli machina kala tamchithei.

COLOSSIANAO 4:12

Nathumwui ngasota kala Jishu Khristawui rao Epaphrasna shālam chiphunli. Ana nathumwui vang Varewui kaphaning chili kahāng nganāda kākashung kala theishingkakhuia Vareshi thada nathumna nganingshap khavai atam kachida ningsanglak eina seihā sāmichinga.

JAMES 1:4

Khangatar chi athei mathei ngasaklu, chithākha nathum kāshungchaohaida kala peichaohaida khikha khavāt maleimara.

1 JOHN 3:3

Hikathā kachihān khalei mi kachiva̱ Khristana kathar tākam eina ala thara.