MATTHEW 5:46 - Kathara Bible (BSI)

⁴⁶ Nathumwui leikashemāngli nathumna leishiakha khi sāman samphangrakhala? Khājanā khalokabingnala chithada masāmalā?

MATTHEW 5:46 Iomraidhean Croise

MATTHEW 11:19

miwui Naomayarana phāshak-phazai, kala athumna, ‘Yanglu, a morkahaka, khamalipa kala khāshinā khalokabing eina morei kaphungbingwui ngasotnaona’ da matui. Chithālala thangmei chi chiwui otsak eina theikhuiya.”

MATTHEW 18:17

Ana athumlila mahengsangakha churchli hāngchitheilu; kala ana churchlila mahengsangakha nathumwui vanga a hi Gentile kala khāshinā kakhuia kathāna da khuilu.”

MATTHEW 5:47

Nathumna nachi nāngarāmāngli ngahānngaiakha kateibingli nathumna mataimeida kasā khi leikhala? Vareli makatheibingnala chithada masāmalā?

MATTHEW 6:1

“Nathumna sākhangayi kaphā ot kasā chi mibingna mathei khavai ning ngasharlu, kaja nathumna chithei khavai saakha kazingli khalei nathumwui Avāwui eina sāman masamphangmara.

MARK 2:15

Jishuna Leviwui shimli phāshakta leilakha khāshinā khaloka kala morei kaphunga mi kachungkha athi shurrāda awui sākhangatha̱bingli ngasoda phazāruma.

MARK 2:16

Kala Jishuna morei kaphungbing eina khāshinā khalokabingli ngasoda phazākhangarum kathei eina ain kathemabing eina Phariseebingna awui sākhangatha̱bingli ngahāna, “Khi sāda ana khāshinā khalokabing eina morei kaphungbingli phazākharumkhala?”

LUKE 15:1

Ara khāshinā khalokbing eina morei kaphungbingna Jishuwui tui nganākida rāsera.

LUKE 18:13

“Kha khāshinā khaloka china achithek akhali nganinglaga kazingramshongla mayangkalengla amathikli kapheda, ‘He Varivara, morei kaphunga ili khalumashanmilu’ da poi.”

LUKE 19:2

Keinung chili Zacchaeus kaho mi akha leisai. A khāshinā khaloka akhavāna kala shānglaka.

LUKE 19:7

Mi saikorana chi kathei tharan athumna, “Ana morei kaphunga mi akhawui shimli azangra jihaira” da kapumkaseoda matuisera.

LUKE 3:12

Khashinā khalokabingla ra̱hikmi khavai rāda ali hānga, “Ojā, ithumna khi sarakhala?”

LUKE 5:29

Chiwui thili Levina ashi shimli Jishuwui vang zātkhān kahaka akha sai; phazāt chili khāshinā khalokabing kala khangatateibingla zangda mi kachungkha kazipa.

LUKE 5:30

Chieina Pharisee eina ain kathembingna awui sākhangatha̱bingli mamayāngaimada, “Khiwui vang eina nathumna khāshinā khalokabing kala morei kaphungbingli phāshak phazārumkhala?” da hānga.

LUKE 7:29

Tui hi kashā eina Johnwui ra̱kahik samphang kahai mi saikorana kala khāshinā khalokbingna Varewui tui chi mashunglaka jihaowa.

LUKE 7:34

Miwui Naomayarana rāphāshak rāphāzai, laga nathumna ‘Yanglu, a morkahaka, khamaripa kala khāshinā khalokabing eina morei kaphungabingwui ngasotnaona’ da phena.