MATTHEW 5:45 - Kathara Bible (BSI)

⁴⁵ Chithākha nathum kazingramli khaleiya nathumwui Avāwui naongarā ngasāpaira; kaja ana kaphālila makaphālila zimik shokmi kala khamashungalila, makhamashungalila kazing rotāmi.

MATTHEW 5:45 Iomraidhean Croise

JOBWUI LAIRIK 25:3

Awui raimi mashing shānshapla? Khipāwuitungli awui kahor mashokmimakhala?

LAA 145:9

Proho saikorali phai, kala awui lukhamashan ana sākahai saikorawuitungli lei.

JEREMIAH 5:24

‘Atam athishurda mayo kachāng, māthei kachāng zingrot rokhame, kala mahātwui vang haptātā haimida ithumli yangkhame, Proho ithumwui Vareli ngacheesa’ da athumwui wuklungli mahāngmana.

MATTHEW 5:9

Chingrihai khavai kasābing chi sokhamina, khikhalajila athumli Varewui naongarā hora!

LUKE 6:35

Kha nathumwui yangkashebingli leishilu, kapha sāmilu, kala khikhala samphangluira da machihānlakla chishutlu. Chithākha nathumwui sāman haklakra kala Juikhamataiya Varewui naongarā ngasāra. Kaja maningshikatheia kala makaphā athumlila ana lumashanmi.

JOHN 13:35

Nathum akhana akhali leikashi leiakha nathum iwui sākhangatha̱bingna kaji saikorana theira.”

OTSAK 14:17

Kha atam kachiva̱li kaphā sākhami china ā leichingda lei kaji shākhi mi; ana kazingramwui eina zingrotra̱ mida atam chālak eina athei samphang ngasaka; kashakazāla mida ningla ringkaphāna pemtinghai ngasaka.”

EPHESIANAO 5:1

Nathum Varewui khaluma naongarā sākahaiwui vang ā thākhavai hotnāphalungra.

PHILIPPINAO 2:15

Chithākha khamakhao okathui hili nathumna morei kaphunga mibingwui alungli okthuilala khayon makhalei kala kathara, Varenao thada okthuira. Kharingwui chānpao chi athumli mida, sirāna kazingram horkhangasak thada athumwui ngachaili nathumna horphalungra.

1 JOHN 3:9

Varewui nao ngasā kahai a china morei sālui sālui majimana, kaja Varewui asak-avāt chi awuili lei, kala Vare hi awui Avāva̱ sākahaiwui vang ana morei masāluimana.