MATTHEW 5:44 - Kathara Bible (BSI)

⁴⁴ Kha ina nathumli kahāngna, nathumwui yangkasheli leishilu kala rekakharekabingwui vang seihā sāmilu.

MATTHEW 5:44 Iomraidhean Croise

2 WUNGNAOBING 6:22

Ana ngahānkai, “Nana athumli masāthatpaimara. Tukkhui kahai mili kathāda raighai eina kala malā eina sāthatpairakhala? Kashakazā ngaranmilu, chi zālaga athumwui akhavāli unguranu.”

LAA 7:4

iwui ngasotali ina makaphā eina hanmihairasaakha, lah iwui yangkasheli maram maleila sākhayāngmihairasaakha,

CHĀNSAM 19:11

Ning khamathāna mina malung mavātzarmana, kala miwui sākhangui yangkhumkhami chi awui khayākakāna.

LUKE 23:34

Jishuna hānga, “Avā, athumli pheomilu, athumna khi kasākhala da matheimana.” Kala awui kashankachon ngayar khavai athumna ka̱lā yanga.

JOHN 13:34

Chieina ina nathumli ningkhami kadhar khamina kaja nathum akha eina akha leishi ngaroklu, ina nathumli leikashi thada nathum akha eina akha leishi ngarokphalungra.

OTSAK 16:28

Kha Paulna panglāk eina vaoda hānga “Nakhalatta ka̱lāshi khavai masaalu! Ithum hili leiserli.”

OTSAK 7:60

Ana khuktizangda, “Proho! morei hiwui kashong athumli matāmialu” da panglāk eina vaolaga amanglā chihohaowa.

ROMNAO 12:14

Nathumli rekakharekbingli somi khavai Vareli pomilu, mha, makhonshila somi khavai pomilu.

1 THESSALONICANAO 5:15

Mi khipānakha khayonwui vang khayon masāroralu, kha atam kachida akhana akhawui vang kala mi kachiva̱wui vang kaphā sākhami hi nathumwui kharin ngasālu.

1 PETER 2:23

Ali kachipat chitharan ana kachipat tui eina mangahānkāmana; Ana kachot tharan mamachitmana, kha khamashung bicharsame Vare chili awui kachihān leichinga.

1 PETER 3:9

Makaphāwui vang makaphā masaalu, khonkashiwui vang makhonshialu, kha somitha̱lu, khikhalajila nali hokhuithang Varena sokhami hi ngashitsang kahaina.

1 SAMUEL 24:17

Kala Davidli hānga, “Ili na ngarongmeikhara; kaja ina nali kalāshi khavai sai, kha nana ili kaphā sāmi.