MATTHEW 5:4 - Kathara Bible (BSI)

⁴ Chapkhangachābing chi sokhamina, khikhalajila athumli Varena ringphā ngasakra!

MATTHEW 5:4 Iomraidhean Croise

ISAIAH 12:1

Chithang nana hāngra: “O Proho, ina nali ningkashi mira; kaja ili nana malungvātsālala nawui malungkhavāt ngalanthuihaowa, kala nana ili ninglum ngasaka.

ISAIAH 25:8

Kathi kaho chi katang mavaila ana mayuitāhaora; kala Proho VAREna mi saikorawui chāra̱ mitmira. Kala awui miyurwui kakhayak chi okathuiwui eina khuithuimihaora da Prohona hānghaira.

ISAIAH 30:19

Mah Jerusalemli kapam, O Zionli khalei mibing; nathum machapluimara, nathumwui ringkhangā akhon chili ana lumashanmilakra; shākhaleoda ana ngahānkāmira.

ISAIAH 35:10

Kala Prohona ngatangkhui kahaibing laa sālaga Zionli latungra; ningli katang makhavai ringkaphā eina ngasoda, athumna ringkaphā khamathān samphangra; kakhanang sikafa thuihaora.

ISAIAH 57:18

Ina awui apongbing theihaira, kha ina ali raimira; ina ali thānmida ningnganung khavai sāmira, awui vang chapkhangachābinglila ning khanganung mira.

ISAIAH 66:10

Jerusalemli mathānngarumlu, awui vang ringphālu, ali leikashebing nathum saikora; khamathānlungli ali ringphāngarumlu, awuitungli chapkhangachā nathum saikora;

ISAIAH 66:2

Ot saikora chi ipāng eina sākhui, chieina ot saikora hi iwuina da Prohona hānga. Kha ina yangki kaji mi chiya, malungkhanim kala ningkhangatei, kala iwui tuili ngacheeda kakathira china.

EZEKIEL 7:16

Kachikathā ringkasābingna yāmshokakha, tampākwui nāsha̱ thāda kaphungli pamra kala khalattawui moreiwui vang sifara.

EZEKIEL 9:4

Kala Prohona ali hānga, “Jerusalem keinung peida kuivālu, kala chiwui alungli ningkakachai ot kasā theilaga ngahuida ringkhangā athumwui khaveili leishai chukmihailu.”

ZECHARIAH 12:10

“Davidwui shimkhurli kala Jerusalemli kapamabingli ina lumashankathei eina seihā sākatheiwui manglā heirormira, chieina athumna rungthat kahaiapā chili khayang tharan athumna naoho-naotongli chapkhangachā thāda chapngachāra, kala naochizai thikahai thāda ningchotlak eina chapra.

LUKE 16:25

“Kha Abrahamna hānga, ‘Inaomayara, phaningunglu, kaja na ringda leilakha khamathāthāmāng samphanga kala Lazarusva zakkashimāng samphanga; kha ara nana kachot samkaphang tharan ana hili ringkaphā samphangda lei.

LUKE 6:21

Arui kathaibing nathum sokhami ngasāranu, kaja nathumli thongasakra. Arui kachapbing nathum sokhami ngasāranu, kaja nathumna mana̱ra.

LUKE 6:25

Arui kathobing, nathum kakhanang ringkashi ngasāranu, kaja nathum thaira. “Arui mana̱da khaleibing, nathum kakhanang ringkashi ngasāranu. kaja nathum chapra!

LUKE 7:38

Ana Jishuwui phei khanukvāk nganingda chapsasui awui chara̱ eina phei ya̱ngasakhailaga kuisam eina mitmihai kala apheili maya̱da nganamkaphā thao chi neomi.

LUKE 7:50

Chieina ana sha̱naopava̱li hānga, “Nawui shitkasangna nali huimihaira, chingri eina ungulu.”

JAMES 1:12

Chāng khayangli shitkasang makhangachei mi chi sokhamina, kaja ana chāng khayangli nganingshapakha ishameili leikashebingli ngashitmi kahai kharingwui wungkuihon chi awui sāman sāda samphangra.

PHONGKHAMI 21:4

Ana athumwui chara̱ mitmira; kathi, malung kharing, kachot, chapkhangachāla maleiluimara, kaja kachama chi shimānhaira!”