MATTHEW 5:39 - Kathara Bible (BSI)

³⁹ Kha ina nathumli kahāngna: Nali khalāng ot sākahaia chili athut makhuialu, kha namaisor yāshong kapheakha lākhavākla ngareimilu.

MATTHEW 5:39 Iomraidhean Croise

1 WUNGNAOBING 22:24

Chieina Chenaanahwui naomayara Zedekiahna rānganailaga Micaiahwui maisorli akapheya, kala, “Prohowui Manglā kathāda iwui eina shoklaga nali ramatuipairakhala?” da hānga.

JOBWUI LAIRIK 16:10

Mibingna ili khamor makārora; athumna khayāmashilakla amaili kapheya, ili mamayāmada athum saikora akha sāhaira.

CHĀNSAM 20:22

“Ina kashi hanmira” da mahāngalu, Proholi ngarailu, ana ngachonmira.

CHĀNSAM 24:29

“Ana ili kasā thāda inala ali sāmira; ana sākahai chiwui vang ina ali hanmira” da mahāngalu.

ISAIAH 50:6

Kashaobingli ina khumkhor ngareimi, morhā kachichaibingli iwui maisor ngareimi; mashora mashokharor kala kakhayakwui eina imai mathumhaimana.

CHAPCHĀT 3:30

kashaowabingli amai ja̱miranu, kala zeikakharui eina chipemranu.

PĀNGMONSHI 19:18

Nathumna athut makhuipaimana, lah ram khalattawui naobingli mayuishi ngarokpaimana, kha nakhalatta leikashi chithāda nawui khongnainaoli leishilu; I Prohona.

MICAH 5:1

Arui nali kuimareida pan saphinhaira; ithumli kuinamkhuihaira; lijei eina athumna Israelwui khamunga chiwui maisorli ngaphita.

MATTHEW 5:40

Kachikathāna nawui phahonwui vang nali kārotli khuivaakha nawui coatla minarhaolu.

LUKE 22:64

Athumna mikla rommihailaga “Nali kashao chi khipākhala?” da ngahānnganaowa.

LUKE 6:7

Ain kathembing eina Phariseebingna awuitungli khayon phenpai khavai sabbaththang ana kazat maraiminikhala da yangpama.

JOHN 18:23

Jishuna ngahānkai, “Ina nguida hānghaira jiakha khangui chi hānglu, kha ina kahāng chi mashunga jiakha khisāda ili kashaokhala?”

1 CORINTHNAO 6:7

Akha eina akha ngahor khangarok hina nathum shimānchao kahaina da chithei. Chiwui vanga yontha̱ kajina maphāmeimalā? Kala mi kateina kateizātha̱ kajina maphāmeimalā?

1 THESSALONICANAO 5:15

Mi khipānakha khayonwui vang khayon masāroralu, kha atam kachida akhana akhawui vang kala mi kachiva̱wui vang kaphā sākhami hi nathumwui kharin ngasālu.

HEBREWNAO 12:4

Kaja moreili khangararwui vang nathumli shaokathat mashokrangli.

JAMES 5:6

Angalang makhalei mili nathumna yonngasakta shaothathaira, ana nathumli mangasungmana.

1 PETER 3:9

Makaphāwui vang makaphā masaalu, khonkashiwui vang makhonshialu, kha somitha̱lu, khikhalajila nali hokhuithang Varena sokhami hi ngashitsang kahaina.