MATTHEW 5:29 - Kathara Bible (BSI)

²⁹ Nawui yāmikna nali morei sāngasakta leiakha chi latshoklaga horhaolu. Nawui phasā tongtingda meifali horsanghaoki kajile naphasākai akha kashimāna phāmei.

MATTHEW 5:29 Iomraidhean Croise

JOBWUI LAIRIK 20:13

kala ana chi sānhaida horhaingailala; kala akhamorlungli ngahomlala,

MATTHEW 10:28

Phasāli sāthatshaplaga manglāli masāthatkharar athumli mangacheealu. Kha kazeiramli phasā eina manglā khanini sāshimānmikashapa Vareli ngacheelu.

MATTHEW 11:6

Ili ningkhamaong makhalei a chi sokhamina.”

MATTHEW 16:26

Kaja mi akhana okathui tongda samphanglaga awui mirin shimānhaiakha awui tongkaza khi leikhala? Lha mi akhana awui mirin eina ngatha̱khuikapai khi leikhala?

MATTHEW 17:27

Chithālala athum malungmavāt khavai shamadruli vālaga khaisui akha ahorsanglu, nana samphangkhare khai chi khuilaga khamor phākkhayang tharan shekel akha samphangra; chi khuilaga iwui eina nawui chi shānmihaolu.”

MATTHEW 19:12

Kaja mi kaikhava ahonga sāda kapharā lei kala mi kaikhali mina ahonga sāngasaka kala mi kaikhava kazing wungramwui vang athum khalatta ahonga sākakhui lei. Tamkachithei hi khuisangshapa a china chi sāranu.”

MATTHEW 23:15

Ain kathembing eina Phariseebing, phākakhaningabing! nathumli kakhanang ringkashi ngasāranu, khikhalajila nathumna ning khangachei mi akha samphang khavai ngalei kala shamadru kānda phāzata kala ana ngachei kahai eina nathumna ali khum khani mataida nathum thada kazeiramwui nao ngasā ngasaka.

MATTHEW 23:33

Phara̱bing, phara̱wui naongarābing, nathumna kazeiram vāki kajiwui eina kathada yāmshokpaira?

MATTHEW 5:22

Kha ina nathumli kahāngna, kachikathāna khi ngalangkha maleila achināli malungvātakha ali bichar sāphalungra. Kachikathāna achināli yomtui matuiakha ali hanga̱shimli khuikāra kala kachikathāna ‘Makānkhana mangkhama̱ mi!’ da phorakha meifali horsangra.

MATTHEW 5:30

Nawui yāpangna nali morei sāngasakakha chi katatlaga horhaolu. Naphasā tongtingda meifali horsangki kajile naphasākai akha kashimāna phāmei.

MARK 8:36

Mi akhana okathui katonga samphanglala awui mirin shimānhaiakha awui tongkazā khi leikhala?

LUKE 12:5

Kha khipāli ngacheerakhala kaji ina chitheira; chiya, shaothathailaga meifali horsangkashapwui pangshap khalei a chili ngacheelu, mha, ina nathumli kahāngna, ali ngacheelu.

ROMNAO 6:6

Ithumna thei kaja morei sākhangaiwui khangachā chi shimān khavai kachama khangachā chi Khristali ngasoda krushtungli thingasakhaira. Chieina ithum ara moreiwui rao masāluimana,

ROMNAO 8:13

Kaja nathumna phasāwui athishurda ringakha nathum thira. Kha Manglāwui mangā eina phasāwui otsak chi chithithaiakha ringra.

1 CORINTHNAO 9:27

Mi kateili khangahān chili rāzang khavai ngahot kahaia ili makhalanshokhai khavai ina iwui phasā hi makang ngasaka.

GALATIANAO 5:24

Jishu Khristawui ngasa kahaibing chiya mikumowui khangachā khamathang kala ningkachāng saikora chi chithithaira.

COLOSSIANAO 3:5

Chiwui vang eina nathumna okathui phasāwui ningkachāng kaja, sopkhamasap, makathar, khamathang-khamarang, makaphāli ningkachāng kala kākharām (kaja kākharām hi meoma̱li khokharum kathāna) hikathāthā hi chithitphalungra.